"ޑުންކީ" ބަލައިފިންތަ؟

ބޮލީވުޑުގެ މަޝްހޫރު ތަރި ޝާހުރުކު ހާންގެ "ޑުންކީ" ބޮކްސް އޮފީހުގައި 200 ކްރޯޑު ހޯދައިފިއެވެ.

ފިލްމު ނިކުތްތާ 13 ދުވަސް ވިއިރު މި ފިލްމުއަށް ދަނީ  ރަނގަޅު ކާމިޔާބިއެއް  ލިބެނުންނެވެ. 

ރާޖުކުމާރު ހިރިއާނި ގެ މި ފިލްމުގެ ލީޑު ރޯލުގައި ހަރަކާތްތެރި ވަނީ  މަޝްހޫރު ބޮލީވުޑު ތަރި ޝާރުކު ހާންގެ އިތުރުން ތާޕްސީ ޕަނުއެވެ. އަދި ވިކީ ކޮއުޝަލް، ބޮމާން އިރާނީ، ވިކްރަމް ކޯހަރް ގެ އިތުރުން އަނިލް ގްރޯވަރ ހަރަކާތެރިވޭއެވެ.

ހަތަރު ރައްޓެހިން ލަންޑަނަށް ބަދަލުވެ މުއްސަންދި ދިރި އުޅުމެއް ހޯދުމުގެ ހުވަފެން ބަލަމުން އައި ނަމަވެސް އެކަން ވަނީ ވަރަށް ގިނަ އުނދަގޫ ތަކެއް ކުރިމަތި ވުމަށް ފަހުއެވެ. 

މި ފިލްމު ސިނަމާއަށް ނިކުތީ 21 ޑިސެންބަރ 2023 ވަނަދުވަހުއެވެ.