ހައުސިންގ މިނިސްޓްރީގެ އިމާރާތް އަނދަނީ
ރައީސުލްޖުމްހޫރިއްޔާ ޑރ.މުއިއްޒު އެސަރަހައްދަށް ވަޑައިގެންފި
ހައުސިންގ މިނިސްޓްރީގެ އިމާރާތް އަނދަން ފަށައިފިއެވެ. ރޯވާން މެދުވެރިވި ސަބަބެއް އަދި ވީ ގޮތެއް ސާފެއް ނޫނޫނެވެ.
އެމްއެންޑީއެފްއިން އަންނަނީ އަލިފާން ނިއްވުމުގެ މަސައްކަތް ކުރަމުންނެވެ. ރޯވެ އަނދަމުން ދަނީ އަމީނީ މަގުގައި ދިވެހިރާއްޖޭގެ އަޑު ހުންނަ އިމާރާތް ކައިރީ ހުންނަ ހައުސިންގ މިނިސްޓްރީގައެވެ. ހައުސިންގ މިނިސްޓްރީގެ އިތުރުން އިންފްރާސްޓްރަކްޗަރ މިނިސްޓްރީވެސް ހުންނަނީ އެ އިމާރާތުގައެވެ.
ފުލުހުން ބުނީ ހައުސިންގ މިނިސްޓްރީ ހުންނަ މ.ގްރީން ބިލްޑިންގ ގައި އަލިފާނުގެ ހާދިސާއެއް ހިނގުމާ ގުޅިގެން ފަޔަރ އެންޑް ރެސްކިޔުއާ ފުލުހުން ހަރަކާތްތެރިވަމުންދާ ކަމަށެވެ. އަދި އެސަރަހައްދުގެ ގެތަކުން މީހުން ނެރުމުގެ މަސައްކަތް ފުލުހުން ކުރަމުންދާ ކަމަށެވެ. އެސަރަހައްދު މިހާރު ފުލުހުން ވަނީ އާއްމު ޓްރެފިކަށް ބަންދުވެސް ކޮށްފައެވެ.
ރައީސުލްޖުމްހޫރިއްޔާ ޑރ.މުހައްމަދު މުއިއްޒު މިހާރު ހުންނެވީ އެސަރަހައްދުގައެވެ. އެމްއެންޑީއެފް އިން ބުނީ އެހެން އިމާރާތްތަކަށް އަލިފާންގަނޑު ފެތުރުމުގެ ކުރިން އަލިފާންގަނޑު އެއްކޮށް ކޮންޓްރޯލްކުރުމުގެ މަސައްކަތް ކުރަމުންދާކަމަށެވެ. އަދި ވެލާނާ އިންޓަރނޭޝަނަލް އެއަޕޯރޓްގެ ފަޔަރ ފައިޓަރުންވެސް އަލިފާން ނިއްވުމުގައި މިހާރު ހަރަކާތްތެރިވަމުންދާ ކަމަށެވެ. ސިފައިން ގެންދަނީ އެއިމާރާތުގެ ލިޔެކިޔުންތައް ސަލާމަތްކުރެވޭތޯ މަސައްކަތް ކުރަމުންނެވެ. ބައެއް ލިޔެކިޔުންތަކާއި ފައިލްތައް އިމާރާތުން ނެރޭ މަންޒަރު ފެނެއެވެ. އެކަމަކު ޓިނު އިމާރާތް ވަނީ ގާތްގަނޑަކަށް ބިމާ ހަމަވެފައެވެ.
ހައުސިންގ މިނިސްޓްރީގެ އިމާރާތް ރޯވެފައި މިވަނީ މިދިޔަ ސަރުކާރުން އިމާރާތް ކުރަން ފަށާ އެކި މަރުހަލާގައި ހުރި 4000 ފްލެޓް ލިބޭ މީހުންގެ ލިސްޓް އިއުލާނު ނުކޮށް މިސަރުކާރުން ލަސްކުރަމުންދާ ކަމުގެ ކަންބޮޑުވުން ބޮޑުވެފައި ވަނިކޮށެވެ. ތަފްސީލް އަންނަނީ
ރިއެކްޝަންސް