މޯދީއާއެކު ބޭއްވި ރަސްމީ މަޝްވަރާތަކަށްފަހު މުހިއްމު އެއްބަސްވުންތަކެއްގައި ދެ ގައުމުން ސޮއިކޮށްފި
އިންޑިޔާގެ ބޮޑުވަޒީރު ނަރެންދުރަ މޯދީއާއެކު ރައީސުލްޖުމްހޫރިއްޔާ ޑރ.މުހައްމަދު މުއިއްޒު ބޭއްވި ރަސްމީ މަޝްވަރާތަކަށްފަހު މުހިއްމު އެއްބަސްވުންތަކެއްގައި އިންޑިޔާއާއެކު ސޮއިކޮށްފިއެވެ.
ބޮޑުވަޒީރު މޯދީއާ ރައީސުލްޖުމްހޫރިއްޔާ ޑރ.މުހައްމަދު މުއިއްޒު ރަސްމީ ބައްދަލުކުރެއްވުން ކުރިއަށް ގެންދެވީ ބޮޑުވަޒީރުގެ ރަސްމީ ގެކޮޅުގައެވެ. އެބައްދަލުވުމުގައި ދެގައުމުގެ ސަރުކާރުގެ އިސް ބޭފުޅުން ބައިވެރިވެވަޑައިގެންނެވި އެވެ. ރާއްޖޭގެ ފަރާތުން ބައިވެރިވެވަޑައިގެންނެވި ބޭފުޅުންގެ ތެރޭގައި ޑިފެންސް މިނިސްޓަރ މުޙައްމަދު ޣައްސާން މައުމޫނާއި, ފޮރިންގ މިނިސްޓަރ ޑރ.އަބްދުالله ޚަލީލާއި, ހޯމް މިނިސްޓަރ އަލީ އިހުސާން ހިމެނިވަޑައިގަންނަވައެވެ. އިންޑިޔާ ސަރުކާރުގެ ފަރާތުން ބައިވެރިވެވަޑައިގެންނެވި ބޭފުޅުންގެ ތެރޭގައި އެކްސްޓަރނަލް އެފެއަރޒް މިނިސްޓަރ ޖައިޝަންކަރު ހިމެނިވަޑައިގަންނަވައެވެ.
ބައްދަލުވުމަށްފަހު ބޮޑުވަޒީރު މޯދީއާއި ރައީސް މުއިއްޒު ވަނި ރަސްމީ ސްޓޭޓްމަންޓް ދެއްވާފައެވެ. ދެގައުމުގެ ގުޅުން ދެމިއޮންނާނެ ކަމުގެ ޔަގީންކަން ދެބޭފުޅުންވެސް ދެއްވިއެވެ. ބައްދަލުކުރެއްވުމަށްފަހު މުހިއްމު އެއްބަސްވުންތަކެއްވެސް ދެގައުމުން ވަނީ ބަދަލުކޮށްފައެވެ.
ރިއެކްޝަންސް
