ހަށި ވިއްކަމުން ދިޔަ ނެޓްވޯކެއް ހައްޔަރުކޮށް ތިން މީހުން ޑީޕޯޓް ކޮށްފި
ފުޅާދާއިރާއެއްގައި ހަށި ވިއްކަމުން ދިޔަ ނެޓްވޯކެއް ހައްޔަރުކޮށް ތިން މީހުން ޑީޕޯޓް ކޮށްފި އެވެ.
މޯލްޑިވްސް އިމިގްރޭޝަނުން ބުނީ ހަ މީހުންގެ ނެޓްވޯކްގެ ތިން މީހުން މިހާރު ޑީޕޯރޓް ކޮށްފައިވާ ކަމަށެވެ. އަދި އަނެއް ތިން މީހުން ޑީޕޯޓް ކުރުމުގެ މަސައްކަތް ކުރަމުންދާ ކަމަށް އިމިގްރޭޝަނުން ބުންޏެވެ. އިމިގްރޭޝަނާއި ފުލުހުން ގުޅިގެން މިދިޔަ އޮގަސްޓު މަހާއި ސެޕްޓެންބަރު މަހު ހިންގި ޚާއްޞަ އޮޕަރޭޝަންތަކެއްގައި ހައްޔަރު ކުރި ބައެއް ކަމަށް އިމިގްރޭޝަނުން ބުންޏެވެ.
މިނެޓްވޯކްގައި ޝާމިލްވަނީ ބިދޭސީ 05 އަންހެނުންނާއި އެޖެންޓެއްގެ ގޮތުގައި މަސައްކަތް ކުރަމުންދިއަ ބިދޭސީ ފިރިހެނަކު ކަމަށް އިމިގްރޭޝަނުން ބުންޏެވެ. ތިން މީހުން ޑީޕޯޓް ކޮށް, އަނެއް ތިން މީހުން ޑީޕޯޓްކުރުމުގެ މަސައްކަތް ކުރަމުންދަނީ މައްސަލައިގެ ތަހުޤީޤަށް ފަހު ކަމަށް އިމިގްރޭޝަނުން ބުންޏެވެ.
ބިދޭސީންގެ މައްސަލަ ހައްލުކުރުމަށް, ޚާއްޞަކޮށް ގަވާއިދާ ހިލާފަށް ވިޔަފާރި ކުރާ ބިދޭސީންނާއި ކުށުގެ ވެށީގައި އުޅޭ ބިދޭސީން ހޯދުމަށް އިމިގްރޭޝަން އިސްވެ ބޮޑު އޮޕަރޭޝަނެއް ދަނީ ހިންގަމުންނެވެ.
ރިއެކްޝަންސް
