މިނިސްޓަރ މުއްތަލިބު މުމްބާއީގެ ކަނޑު އަޑީގެ ޓަނަލް އަށް
އިމާރާތް ކުރުމާ ބިނާރާ ބެހޭ ވަޒީރު ޑރ. އަބްދުالله މުއްތަލިބު މުމްބާއީގައި ހަދަމުންދާ ކަނޑު އަޑީގެ ޓަނަލް އަށް ވަޑައިގަންނަވައިފި އެވެ.
މިހާރު ހަދަމުންދާ ޓަނަލްއަށް މިނިސްޓަރ ވަޑައިގެންނެވީ ރާއްޖެއިން އިންޑިޔާއިން ކަނޑައަޅުއްވާފައި ހުންނަވާ ސަފީރު މުނޫ މަހާވަރުގެ އަރިހުގައެވެ. މިނިސްޓްރީގެ އިތުރު ދެ ސްޓޭޓް މިނިސްޓަރުންވެސް ވަޒީރުގެ އަރިހުގައި ވަޑައިގެންނެވިއެވެ.
މުމްބާއީ ކަނޑު އަޑީގެ ޓަނަލަކީ މިހާރު ހެދުމުގެ މަސައްކަތް ކުރަމުންދާ ޓަނަލެކެވެ. ވަޒީރު ވަޑައިގެންނެވީ އެތަނުގެ މަސައްކަތް ބައްލަވާލެއްވުމަށެވެ.
މިއީ މުމްބާއީއާއި އަހުމަދުއާބާދު އާދެމެދު ރެއިލް ދަތުރުކުރަން އަޅާ ޓަނަލެކެވެ. 21 މީޓަރުގެ ޓަނަލްގެ ތެރެއިން ކަނޑު އަޑީގައި އޮންނަނީ 7 ކިލޯ މީޓަރެވެ.
މުމްބާއީ ޓަނަލް އަޅަނީ އެފްކޮންސް ކުންފުނިންނެވެ. އިންޑިޔާގެ އެފްކޮންސް އަކީ ތިލަމާލެ ބްރިޖްގެ މަސައްކަތް ކުރާ ކުންފުންޏެވެ.
ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ހުވަފެނީ މަޝްރޫއު 'ރަސްމާލެ' އާ މާލެ ކަނޑު އަޑީގެ ޓަނަލަކުން ގުޅާލައްވާނެ ކަމަށް ވަނީ ވައުދުވެވަޑައިގެންފައެވެ.
ރިއެކްޝަންސް
