ގުރައިދޫ ފެނުއަޑީގައި. 3 ގެއަކުން މީހުން ބަދަލުކޮށްފި
ވިއްސާރައިގަ ގުރައިދޫ 20 ގެއަކަށް ފެންވަދެފައިވޭ.
މިހާރު ކުރަމުން އަންނަ ވިއްސާރައިގައި މާލެއަތޮޅު ގުރައިދޫގައި ފެންބޮޑުވެފައިވާތީ ފެންހިންދުމުގެ މަސައްކަތް ސިފައިން ފަށައިފިއެވެ.
ނޭޝަނަލް ޑިޒާސްޓަރ މެނޭޖްމެންޓް އޮތޯރިޓީން ވިދާޅުވީ ފެންބޮޑުވެގެން ރިޕޯޓު ކޮށްފައިވާ ރަށްތަކުގެ ތެރެއިން އެންމެ ބޮޑު ގެއްލުމެއް ލިބިފައިވަނީ މާލެއަތޮޅު ގުރައިދޫ އަށެވެ.
އެގޮތުން އެރަށުގެ 20 ގެއަކަށް ފެންވަދެ 3 ގެއަކުން މީހުން ބަދަލު ކޮށްފައިވާ ކަމަށް ޑިޒާސްޓަރ މެނޭޖްމެންޓް އޮތޯރިޓީން މައުލޫމާތު ދެއްވިއެވެ.
ގުރައިދޫގައި ބޮޑުވެފައިވާ ފެންގަނޑު ހިންދުމުގެ މަސައްކަތް ސިފައިންނާއި ފުލުހުން އަދި އެރަށު ކައުންސިލް ގުޅިގެން ކުރަމުން އަންނަ ޑިޒާސްޓަރ މެނޭޖްމެންޓް އޮތޯރިޓީން ވިދާޅުވިއެވެ.
ގުރައިދޫގެ އިތުރުން ފ. ނިލަންދޫއާއި ލ. ގަމާއި ފޮނަދޫގެ އިތުރުން ސ.މަރަދޫ އަށް ގެއްލުން ލިބިފައިވާ ކަމުގެ ރިޕޯޓު ލިބިފައިވާ ކަމަށް އެ އިދާރާއިން މައުލޫމާތު ދެއްވިއެވެ.
ރިއެކްޝަންސް
