ބްރިޖުން ދަތުރު ކުރުމުގައި ސަމާލުވޭ! ވަޔާއި ވެއްޔާއި ކުނި އެބައާދޭ
ވަޔާއި ވެއްޔާއި ކުނި އަންނަމުންދާތީ ބްރިޖާއި ހައިވޭއިން ދަތުރުކުރުމުގައި ސަމާލުވުމަށް ފުލުހުން އެދިއްޖެ
ގަދަ ވަޔާއެކު ކުރަމުންދާ ވިއްސާރަ އާ ގުޅިގެން ބްރިޖާއި ހައިވޭގައި ފެންބޮޑުވެ ވަޔާ ވެއްޔާއެކު ކުނި އަންނަމުންދާތީ ބްރިޖު އަދި ހައިވޭއިން ދަތުރު ކުރުމުގައި ސަމާލުވުމަށް ފުލުހުން އިލްތިމާސް ކުރައްވައިފިއެވެ.
އެކްސްގައި ފުލުހުން ކުރެއްވި ޕޯސްޓެއްގައި ވިދާޅުވީ މިއަދު ގަދަވަޔާއެކު ކުރަމުން އަންނަ ވިއްސާރައިގައި ކޮންމެހެން ކުރަންޖެހޭ ދަތުރެއް ނޫނީ ނުކުރުމަށް އިލްތިމާސް ކުރައްވާ ކަމަށެވެ.
އަދި ކޮންމެހެން ކުރަންޖެހޭ ދަތުރުތަކަށް ހަތަރުފުރޮޅުލީ އުޅަނދު ބޭނުންކުރެއްވުމަށްވެސް ފުލުހުން ވަނީ އިލްތިމާސް ކުރައްވާފައެވެ.
މުޅި ރާއްޖެއަށް މޫސުން ގޯސްވެ ބޯކޮށް ވާރޭ ވެހެމުން އަންނައިރު މާލެއާ ހުޅުމާލޭގެ ބޮޑު ބައެއްގައި ވަނީ ފެންބޮޑު ވެފައެވެ.
ވިއްސާރައިގައި ފެންބޮޑުވެފައިވާ ބައެއް ސަރައްދުތަކުގައި ވެލިބަސްތާ ޖެހުމާއި ރައްޔިތުންނަށް އެހީތެރިކަންދިނުމުގައި ފުލުން އަންނަނީ ހަރަކާތްތެރިވަމުންނެވެ.
ރިއެކްޝަންސް
