ތިލަފުށި ގުދަނެއްގައި އަލިފާން ރޯވެ އަނދަނީ
އަލިފާން ރޯވީ މެރިން ސެންޓަރުގައި
ތިލަފުށި ގުދަނެއްގައި އަލިފާން ރޯވެ އަނދަމުންދާތީ ސިފައިން ހަރަކާތްތެރިވާން ފަށައިފިއެވެ.
އެމްއެންޑީއެފް އިން ބުނީ ކ.ތިލަފުށީގައި ހުންނަ ގުދަނެއްގައި އަލިފާނުގެ ހާދިސާއެއް ހިނގައިގެން, އަލިފާން ނިއްވުމުގައި އެމްއެންޑީއެފް ތިލަފުށި ފަޔަރ ސްޓޭޝަނުން ހަރަކާތްތެރިވަމުންދާ ކަމަށެވެ.
އަލިފާން ރޯވެފައި ވަނީ ތިލަފުށި މެރިން ސެންޓަރުގައެވެ. ހާދިސާގައި މީހަކަށް އަނިޔާވިކަމުގެ މައުލޫމާތެއް އަދި ނުލިބެއެވެ. ދައުރުވަމުންދާ ވީޑިއޯތަކުން އިނގޭ ގޮތުގައި އަލިފާންގަނޑު ވަނީ ވަރަށް ބޮޑަށް ފެތުރި, ޖެހިގެން ހުރި ގުދަންތަކަށްވެސް ފޯރާފައެވެ. އަލިފާން ނިއްވުމުގެ މަސައްކަތުގައި ސިފައިންނަށް އެހީތެރިވެދިނުމުގައި ތިލަފުށީގައި މަސައްކަތްކުރާ މީހުން ދަނީ ބައިވެރިވަމުންނެވެ.
ރިއެކްޝަންސް
