ގެއެއްގެ 9 ވަނަ ބުރިން ވެއްޓުނު މީހަކު މަރުވެއްޖެ
މަރުވީ ދިވެހި އަންހެނެއް
މާލޭގެ ގެއެއްގެ 9 ވަނަ ބުރިން ވެއްޓުނު މީހަކު މަރުވެއްޖެ އެވެ. ކަސްޓަމްސް ކައިރީ ހުރި އިމާރާތެއްގެ މަތިން ވެއްޓި މަރުވީ އަންހެނެކެވެ. ފުލުހުން ވިދާޅުވީ އެހާދިސާ ތަހުގީގު ކުރަމުންދާ ކަމަށެވެ. އަންހެން މީހާ ވެއްޓުނީ އިމާރާތުގެ ތިރީގައި ޕާރކް ކޮށްފައިވާ ޕިކަޕެއްގެ ތެރެއަށެވެ. އެމަންޒަރުތައް ފެންނަ ވީޑިއޯ ސޯޝަލް މީޑިޔާގައި ދަނީ ދައުރުވަމުންނެވެ.
ނަމަވެސް ފުލުހުން އެދެނީ އެމަންޒަރުތައް ފެންނަ ވީޑިއޯ ދައުރުނުކޮށް, ނިޔާވި މީހާގެ އާއިލާގެ އިހުސާސްތަކަށް އިހުތިރާމް ކުރުމަށެވެ. ހާދިސާ ހިނގި ސަބަބު އަދި ސާފެއް ނުވެއެވެ.
ރިއެކްޝަންސް
