4 އަހަރު ވީއިރު ނުނިމުނު އުކުޅަސް ފުޓުބޯޅަދަނޑު މިމަހު ނިމޭނެ: ވަޒީރު
އުކުޅަހު ފުޓުބޯޅަ ދަނޑުގެ މަސައްކަތް ބަޔަކާ ހަވާލް ކުރެވި މަސައްކަތް ކުރިއަށްނުދާތާ 4 އަހަރަށްވުރެ ގިނަވެއްޖެ
މަސައްކަތް ހަވާލުކުރިފަހުން ހަތަރު އަހަރަށްވުރެ ގިނަދުވަސް ވެފައިވާ އއ އުކުޅަހު ފުޓުބޯޅަ ދަނޑުގެ މަސައްކަތް މިއަހަރުތެރޭ ނިންމާލެވޭނެ ކަމަށް ކުޅިވަރާބެހޭ ވަޒީރު އަބްދުﷲ ރާފިއު ވިދާޅުވެއްޖެއެވެ.
ރައްޔިތުންގެ މަޖިމީހުގެ މިއަދުގެ ޖަލްސާގައި ތޮއްޑޫ ދާއިރާގެ މެންބަރު ކުރެއްވި ސުވާލަކަށް ޖަވާބު ދެއްވަމުން ކުޅިވަރާބެހޭ ވަޒީރު އަބްދުﷲ ރާފިއު ވިދާޅުވީ ދަނޑުގެ ސަބްބޭސްގެ މަސައްކަތް މި ސަރުކާރުން މިހާރު ނިންމާފައިވާ ކަމަށެވެ.
އަދި މާދަމާއަކީ ދަނޑުގެ ޓާފް އަންނަން އޮތް ދުވަސް ކަމަށާއި ދަނޑަށް ބޭނުންވާ ވެއްޔާއި ރަބަރު މިހާރު ސައިޓަށް ގެންގޮސްފައިވާ ކަމަށް ވަޒީރު ވިދާޅުވިއެވެ.
ރާފިއު ވިދާޅުވީ މި މަހުގެ ތެރޭގައި އުކުޅަހުގެ ދަނޑު ނިންމާނެ ކަމަށެވެ.
ރިއެކްޝަންސް
