ފުޅާދާއިރާއެއްގައި ހަށިވިއްކަމުން ދިޔަ ވިއެޓްނާމު ދެ އަންހެނަކު އިމިގްރޭޝަންގެ ބެލުމުގެ ދަށަށް
މާލޭގައި ހަށިވިއްކުމުގެ މަސައްކަތް ކުރަމުން ދިޔަ ވިއެޓްނާމަށް ނިސްބަތްވާ ދެ އަންހެނަކު އިމިގްރޭޝަންގެ ބެލުމުގެ ދަށަށް ގެންގޮސްފި އެވެ.
'އެކްސް'ގައި އިމިގްރޭޝަނުން މިއަދު ކުރި ޕޯސްޓެއްގައި ބުނެފައިވާ ގޮތުގައި، އެ ދެ މީހުން ވެސް ހައްޔަރުކޮށްފައިވަނީ، ފުލުހުންގެ އިންޓެލިޖެންސަށް ލިބުނު މައުލޫމާތަކާ ގުޅިގެން، ރޭ ހިންގި ހާއްސަ އޮޕަރޭޝަނެއްގަ އެވެ.
މިމައްސަލައިގެ އިތުރު ތަފްސީލެއްއިމިގްރޭޝަނުން ހާމައެއްނުކުރެ އެވެ. ނަމަވެސް އެ ޕޯސްޓުގައި އެޓޭޗްކޮށްފައިވާ ފޮޓޯގައި ގިނައަދަދެއްގެ ފައިސާ އަތުރާލާފައި ހުއްޓެވެ. ބެލެވޭ ގޮތުގައި އެއީ އެމީހުން ހަށިވިއްކައިގެން ހޯދި ފައިސާއިން އެއޮޕަރޭޝަންގައި ފެނުނު ފައިސާ އެވެ.
ސެލޫން އެންޑް ސްޕާ ތަކުގެ ނަމުގައި ހިންގާ ހަށިވިއްކާ ތަންތަނުގައި ގިނައިން އުޅެނީ ޓޫރިސްޓް ވިސާގައި އުޅޭ މީހުންނެވެ.
ހޯމް މިނިސްޓަރު އަލީ އިހުސާން މިއަހަރުގެ ފެބުރުއަރީ މަހު ވިދާޅުވެފައި ވަނީ މާލެ ސަރަހައްދުގައި ހަށިވިއްކުމަށް މަސާޖު ޕާލާ ތަކުގެ ނަމުގައި ހިންގާ 111 ހިންގާ ކަމަށާއި އެފަދަ ތަންތަން ހުއްޓުވުމަށް ހާއްސަ މަސައްކަތްތަކެއް ކުރަމުންދާ ކަމަށެވެ.
ރާއްޖޭގައި އުލޭ ބިދޭސިން ގަވާއިދާ ޚިލާފަށް ފުޅާ ދާއިރާއެއްގައި ޑޮލަރުގެ ވިޔަފާރި ވެސް ކުރަމުންގެންދެ އެވެ. އަދި ހޮޓާތަކާ ކެފޭތައް އަދި ކަންމަތީ ފިހާރަތައް ވެސް ހިންގަ އެވެ. މީގެ އިތުރުން ބޭރު މީހުން ނިންދެވުމުގެ މަސައްކަތް މުޅިން ވެސް ކުރަނީ ބިދޭސީންނެވެ.
ރިއެކްޝަންސް
