ބްރިޖްގެ ލައިޓްތަކާއި, ޓްރެފިކް ލައިޓްވެސް ނިވިފަ, ސަމާލުވޭ
ސިނަމާލެ ބްރިޖްގެ ލައިޓްތަކާއި ވެލާނާ އިންޓަރނޭޝަނަލް އެއަރޕޯޓަށް އަޅާ ޖަންކްޝަންގައި ހަރުކުރެވިފައިވާ ޓްރެފިކް ލައިޓްވެސް ނުދިއްލޭތީ އެކަމަށް ސަމާލުވާން ފުލުހުން އިލްތިމާސްކޮށްފިއެވެ.
މީގެއިތުރުން ބައެއް ވަގުތުތަކުގައި ވިއްސާރަވެސް ވެހެމުންދާތީ، ބްރިޖުން ދަތުރުކުރާ ހުރިހާ ފަރާތްތަކުންވެސް މިކަންކަމަށް ހާއްސަ ސަމާލުކަން ދިނުމަށް ފުލުހުން ވަނީ އެދިފައެވެ. ފުލުހުން ވިދާޅުވީ މި މައްސަލަ ހައްލުކުރުމަށް ކަމާބެހޭ ފަރާތްތަކުން މަސައްކަތް ކުރަމުންދާ ކަމަށެވެ. އަދި އެ ސަރަހައްދުގެ ޓްރެފިކް ފްލޯ އޮމާންކަމާއެކު ކުރިއަށްދާކަން ޔަގީންކުރުމަށް ފުލުހުން ހަރަކާތްތެރިވަމުން ދާނެކަމަށް ވިދާޅުވިއެވެ. އެ ސަރަހައްދުން ދަތުރު ކުރާ ހުރިހާ ފަރާތްތަކުން މިކަންކަމަށް ސަމާލުވެ، ފުލުހުންގެ އިރުޝާދުތަކާ އެއްގޮތަށް އަމަލުކުރުމަށް ވަނީ އެދިފައެވެ.
ލައިޓްތައް ނިވިފައިވުމާއެކު ބްރިޖް ފެންނަނީ އަނދިރިކޮށެވެ. ދުއްވާ އެއްޗިހީގެ ލައިޓްގެ އަލިކަން ފިޔަވާ އެހެން އަލިކަމެއް ނެތެވެ.
ރިއެކްޝަންސް
