ސްރީލަންކާގެ ރައީސް ރާއްޖެ ވަޑައިގެންފި
ރައީސުލްޖުމްހޫރިއްޔާ ޑރ.މުޙައްމަދު މުއިއްޒުގެ ދައުވަތަކަށް ކުރައްވާ ދަތުރުފުޅެއްގައި ސްރީލަންކާގެ ރައީސް އަނޫރާ ކުމާރާ ޑިސަނަޔަކެ ރާއްޖެ ވަޑައިގެންފިއެވެ. މިއީ މިދިޔަ އަހަރު ސްރީލަންކާގެ ރައީސްކަމަށް އިންތިޚާބުވެވަޑައިގެންނެވި ޑިސަނަޔަކެ ރާއްޖެއަށް ކުރައްވާ ފުރަތަމަ ރަސްމީ ދަތުރުފުޅެވެ.
ވެލާނާ އިންޓަރނޭޝަނަލް އެއަޕޯރޓުން ލަންކާ ރައީސް ޑިސަނަޔަކެ އަށް މަރުހަބާ ވިދާޅުވީ ރައީސުލްޖުމްހޫރިއްޔާ ޑރ.މުޙައްމަދު މުއިއްޒު އެވެ. ލަންކާ ރައީސްއަށްވެސް ރާއްޖެއިން ކިޔާފައިވަނީ ރަތްދޫލައިގެ މަރުހަބާއެކެވެ. ސްރީލަންކާގެ ރައީސްއަށްވެސް ރާއްޖެ ވަޑައިގަތުމުގެ ދައުވަތު ދެއްވީ ރާއްޖޭގެ މިނިވަން ކަމަށް 60 އަހަރު ފުރޭ މުނާސަބަތާ ދިމާކޮށެވެ. އަދި ރާއްޖެއާ ސްރީލަންކާގެ ޑިޕްލޮމެޓިކް ގުޅުމަށްވެސް 60 އަހަރު ފުރޭ ވަގުތާ ދިމާކޮށެވެ.
ޑިސަނަޔަކެގެ މިދަތުރުފުޅަކީ ދެ ދުވަހުގެ ދަތުރުފުޅެކެވެ. މިދަތުރުފުޅުގައި ދެގައުމުގެ ރައީސުން ރަސްމީ މަޝްވަރާތައް ކުރިއަށް ގެންދަވާނެއެވެ.
ރައީސް މުއިއްޒުގެ ދައުވަތަކަށް އިންޑިޔާގެ ބޮޑުވަޒީރު ނަރެންދުރަ މޯދީ މިމަހުގެ 25 ވަނަ ދުވަހު ރާއްޖެ ވަޑައިގެން 26 ވަނަ ދުވަހު ފުރާވަޑައިގެންނެވީ މިނިވަން ދުވަހުގެ ބައެއް ހަރަކާތްތަކުގައިވެސް ބައިވެރިވެވަޑައިގަތުމަށްފަހު އެވެ.
ރިއެކްޝަންސް
