މޭ 10ގެ ކުރިން އިންޑިއާ ސިފައިން ބާލަން އެއްބަސްވެއްޖެ
އިންޑިއާ ސިފައިން މޭ 10ގެ ކުރިން ބާލަން އިންޑިއާ ސަރުކާރުން އެއްބަސްވެފައިވާކަމަށް ދިވެހި ސަރުކާރުން މިރޭ ބުނެފި
ރާއްޖޭގައި ހަރަކާތްތެރިވަމުން އަންނަ ހުރިހާ އިންޑިއާ ސިފައިން މޭ 10ގެ ކުރިން ބާލަން އިންޑިއާ ސަރުކާރުން އެއްބަސްވެފައިވާކަމަށް ދިވެހި ސަރުކާރުން މިރޭ ބުނެފިއެވެ.
އެއްބަސްވުންތަކުގެ ދަށުން ރާއްޖޭގައި ތިބިކަމަށް ބުނާ އިންޑިއާ ސިފައިންގެ ސަބަބުން ގައުމުގެ މިނިވަންކަމަށް އޭގެ ބުރޫއަރާކަމަށް ސަރުކާރުން ގަބޫލު ކުރެ އެވެ. އެހެންވެ ވެރިކަމަށް އައުމުގެ އެންމެ ބޮޑު ވައުދެއްގެ ގޮތުގައި ފާހަގަކުރެވުނު ސިފައިން ފޮނުވާލުމާއި ގުޅޭގޮތުން އެ ގައުމާއި ދެމެދު އެކު މަޝްވަރާތައް ކުރެވުނެވެ,
މިއަދު އިންޑިއާގައި އޮތީ ދެ ގައުމުގެ އިސްވެރިންގެ މައްޗަށް އެކުލެވޭ މަތީފަންތީގެ ކޯ ގްރޫޕުގެ ދެވަނަ ބައްދަލުވެމެވެ.
އެ ބައްދަލުވުމާއި ބެހޭ މައުލޫމާތުތައް އާންމުކޮށް، ފޮރިން މިނިސްޓްރީން ބުނީ އިންޑިއާގެ ސިފައިން މިވަގުތު ރާއްޖޭގައި ބަލަހައްޓަމުން ގެންދާ ތިން އުޅަނދުގެ ތެރެއިން އެއް އުޅަނދު ބެލެހެއްޓުމަށް ތިބި ހުރިހާ ސިފައިން އަނބުރާ ގެންދަން އެ ގައުމުން އެއްބަސްވާ ކަމަށެވެ,
ޚާރިޖީވުޒާރާއިން ނެރުނު ބަޔާނެއްގައި ބުނެފައިވަނީ ރާއްޖޭގައި އިންޑިއާ ސިފައިން ބަލަހައްޓަމުންދާ ތިން އުޅަނދުގެ ތެރެއިން އެއް އުޅަނދު ބެލެހެއްޓުމަށް ތިބި ހުރިހާ ސިފައިން މާޗު މަހުގެ 10 ވަނަ ދުވަހުގެ ކުރިން ބަދަލުކޮށް، އަނެއް ދެ ޕްލެޓްފޯމުން މޭއި 10 ގެ ކުރިން އަސްކަރީ އޮފިސަރުން ބަދަލު ކުރާނެކަމަށެވެ..
މި ބައްދަލުކުރެއްވުމުގައި، ދިފާއީ އަދި ސަލާމަތީ ދާއިރާއިން ގުޅުން ބަދަހިކުރުމާއި، އިގްތިސާދީ އަދި ތަރައްޤީގެ ދާއިރާއިން ދެ ގައުމުގެ ދެމެދުގައި އޮތް ގުޅުން އިތުރަށް ބަދަހިކުރެއްވުމާ ބެހޭގޮތުން ދެ ގައުމުން މަޝްވަރާކުރެއްވި ކަމަށްވެސް ހާރިޖީ ވުޒާރާއިން ވިދާޅުވިއެވެ.
ރިއެކްޝަންސް
