ތިނަދޫގައި ހިނގި އެކްސިޑެންޓެއްގައި އަންހެނަކަށް ބޮޑެތި އަނިޔާތަކެއްވެ މާލެ ގެނެސް ފަރުވާދެނީ
ގދ. ތިނަދޫގައި ހިނގި އެކްސިޑެންޓެއްގައި ބޮޑަތި އަނިޔާތަކެއްވި އަންހެނަކަށް މާލެ ގެނެސް ފަރުވާދޭން ފަށައިފިއެވެ.
މާލެ ގެނެސް ފަރުވާދެނީ ގދ. ތިނަދޫ ސިޓީގެ ކުރީގެ ހުކުރު މިސްކިތް ކައިރީގައި ކާރަކާއި ސައިކަލެއް ޖެހި ހިނގި އެކްސިޑެންޓްގައި އަނިޔާވި 31 އަހަރުގެ އަންހެނަކަށެވެ. ސައިކަލް ދުއްވަން އިން އަންހެން މީހާއަށް ވަރަށް ބޮޑެތި އަނިޔާތަކެއް ލިބިފައިވާކަމަށް ފުލުހުން ވިދާޅުވިއެވެ. އޭނާގެ ބޮލަށް ލިބުނު ސީރިއަސް އަނިޔާތަކަކަށް ފުރަތަމަ ފަރުވާދިނީ ތިނަދޫ ހޮސްޕިޓަލުގެ އައިސީޔޫގައި ބާއްވައިގެން ކަމަށް ފުލުހުން ވިދާޅުވިއެވެ. ހާލު އިތުރަށް ގޯސްވާތީ އިމަޖެންސީގައި މާލެ ގެނެސް މިހާރު ފަރުވާދެމުން ދަނީ އައިޖީއެމްއެޗްގައެވެ.
އެހެންނަމަވެސް އަނިޔާ ލިބުނު އަންހެން މީހާގެ އާއިލާއާ ހަވާލާދީ ފުލުހުން ވިދާޅުވީ މިހާރު އެ އަންހެންމީހާގެ ޙާލަތު ރަނގަޅު ވަމުން އަންނަކަމަށެވެ.
މިއީ މިދިޔަ އޭޕްރީލް މަހުގެ 27 ވަނަ ދުވަހު ހިނގި އެކްސިޑެންޓެކެވެ. ފުލުހުންނަށް އެކްސިޑެންޓް ރިޕޯރޓް ކުރީ އެދުވަހުގެ 15:47 ގައި ކަމަށް ފުލުހުން ވިދާޅުވިއެވެ.
ރިއެކްޝަންސް
