އިންޑިއާގެ ކަޝްމީރު ފަޅީގައި ފަތުރުވެރިންނަށް އަމާޒުކޮށްދިން ބަޑީގެ ހަމަލާތަކުގައި 26 މަރު
ހަތިޔާރު އަޅައިގެންތިބި މީހުންގެ ގްރޫޕަކުން ބަޑިޖަހާ އިންޑިއާ-ކަޝްމީރުގެ ފަތުވެރިންނަށް ތަކަކަށް ދިން ހަމަލާތަކުގައި 26 މީހުން މަރާލައިފިއެވެ. އިންޑިއާގެ ފުލުހުން ބުނި ގޮތުގައި މިއީ ފަހުގެ ތާރީޙެއްގައި ކަޝްމީރުގައި ދިން އެންމެ ނުރައްކާތެރި އެއް ހަމަލާއެވެ. ހަމަލާތަކުގައި އިތުރު 17 މީހަކު ވަނީ ޒަހަމް ވެފައެވެ.
ކަޝްމީރުގެ 'ޑިސްޕިއުޓަޑް' ސަރަހައްދެއްގައި އޮންނަ ޕަހަލްގަމް ކިޔާ ރިސޯޓް ޓައުނަކާ 5 ކިލޯމީޓަރު (3 މޭލު) ދުރުގައި އަންގާރަ ދުވަހު ހިނގި މިހާދިސާގައި އެތައް ބައެއްގެ ގަޔަށް ބަޑީގެ ވަޒަން އަރާފައިވާ ކަމަށް އިންޑިއާގެ ފުލުހުން ބުނެއެވެ.
"މިއީ އާންމުންނަށް އަމާޒުކޮށް މި ފަހުން ހިންގި އެންމެ ބޮޑު ހަމަލާ" ކަޝްމީރުގެ ޗީފް މިނިސްޓަރު އޮމަރް އަބްދުالله މީސްމީޑިއާ ގައި ލިއުއްވާފައި ވެއެވެ.
ހަމަލާގެ ޒިންމާ 'ކަޝްމިރު ރެސިސްޓަންސް' ކިޔާ ގްރޫޕަކުން މިހާރުވަނީ އުފުލާފައެވެ. ގްރޫޕުން މީސްމީޑިއާގައި ފޮނުވާފައިވާ މެސެޖުގައި އެސަރަޙައްދުގައި 85,000 "ބިދޭސީން" ވަޒަންވެރިވެފައިވާ ކަމަށްބުނެ އެކަމުގެ ނުރުހުންވަނީ ފާޅުކޮށްފައެވެ.
އިންޑިއާގެ ސަލާމަތީ އެޖެންސީ ތަކުން ބުނާގޮތުގައި ކަޝްމީރު ރެސިސްޓަންސް އަކީ ޕާކިސްތާނުގައި ޤާއިމްވެފައިވާ ހަތިޔާރުއެޅި ޖަމާއަތެކެވެ.
ރިއެކްޝަންސް
