ރައްޔިތުންގެ މަޖިލީހުގެ ރައީސް އައިޕީޔޫގެ އެސެމްބްލީގައި ބައިވެރިވުމަށް އުޒްބެކިސްތާނަށް
ރައްޔިތުންގެ މަޖިލީހުގެ ރައީސް ޢަބުދުއްރަހީމް ޢަބުދުﷲ އާއި މަޖިލިހުގެ އިތުރު މެންބަރުން ހިމެނޭ ވަފުދެއް، އިންޓަރ-ޕާލިމެންޓަރީ ޔުނިއަންގެ 150 ވަނަ އެސެމްބްލީގައި ބައިވެރިވެވަޑައިގަތުމަށް އުޒްބެކިސްތާނަށް ވަޑައިގެންފިއެވެ.
ރައްޔިތުންގެ މަޖިލިހުގެ އިދާރާއިން ވިދާޅުވީ މި އެސެމްބްލީ ކުރިއަށްދާނީ މިއަދުން ފެށިގެން މި މަހުގެ 9 ވަނަ ދުވަހުގެ ނިޔަލަށް ކަމަށެވެ. މަޖިލީހުގެ ރައީސްގެ އިތުރުން ވަފުދުގައި ހިމެނިވަޑައިގަންނަވަނީ މައިނޯރިޓީ ލީޑަރު އިބްރާހީމް ނާޒިލް އާއި މާފަންނު މެދު ދާއިރާގެ މެންބަރު އަސްމާ ރަޝީދު، ހުރާ ދާއިރާގެ މެންބަރު ޑރ. އަނާރާ ނަޢީމް، މާފަންނު ދެކުނު ދާއިރާގެ މެންބަރު ޢަބްދުﷲ ރިފާޢު އަދި ހެންވޭރު ދެކުނު ދާއިރާގެ މެންބަރު ޙުސައިން އިމްރާން ލަޠީފް އެވެ.
އައިޕީޔޫއަކީ 157 ގައުމު ހިމެނޭ ޖަމްޢިއްޔާއެކެވެ. މި އެސެމްބްލީގެ މައިގަނޑު މައުޟޫޢަކީ ސައިންސާއި ޓެކްނޮލޮޖީ އަދި އީޖާދުގެ ބޭނުން ހިފައި، ސުލްހަވެރި ދެމެހެއްޓެނިވި މުސްތަޤްބަލެއް ބިނާކުރުމެވެ.
މި އެސެމްބްލީގައި ގާނޫނު ހަދާ މަޖިލިސްތަކުގެ ބޭފުޅުންގެ މެދުގައި މަޝްވަރާކޮށް، އެ ދާއިރާގެ ދައުރު ފުޅާކުރުމާއި ގުޅޭގޮތުން ވެސް ވާހަކަދައްކާނެއެވެ.
ރިއެކްޝަންސް
