ޖަޒުބާތީ މެސެޖަކާއި އެކު ޑިބްރައިނާ މިސީޒަނަށްފަހު މެންޗެސްޓަރ ސިޓީ ދުކޮށްލާނެކަން އިއުލާންކޮށްފި
މެންޗެސްޓަރ ސިޓީގެ މެދުތެރެއަށް ކުޅެމުން އަންނަ ކެވިން ޑީބްރޭނާ މިސީޒަނަށްފަހު ސިޓީ ދޫކޮށްލާނެކަން އިއުލާން ކޮށްފިއެވެ. ޑީބްރޭނާ ސިޓީ ދޫކޮށްލާއިރު އޭނާ ކްލަބާއެކު ހަދާފައިވާ އެއްބަސްވުން ހޫނު މޫސުމުގައި ނިމުމަކަށް އަންނާނެއެވެ. އެހެންކަމުން ކްލަބް ދޫކޮށްދާނީ ފްރީ ކުޅުންތެރިއެއްގެ ގޮތުގައެވެ.
"ފުޓްބޯޅަ އަހަރެން ތި އެންމެނާ ހަމައަށް ގެނެސްދިނީ. މި ކްލަބާ ހަމައަށްވެސް. އަހަރެންގެ ހުވަފެން ފަހަތުން އައިއިރު ނޭނގެ މިއީ އަހަރެންގެ ދިރިއުޅުން ބަދަލުކޮށްލާނެ ދަތުރެއްކަމެއް. މި ސިޓީ އާއި މި ކްލަބް. ތި ހުރިހާއެންމެން އަހަރެން މީހަކަށް ހަދައިދިނީ. އެހެންވެ އަހަރެންވެސް އަހަރެންގެ ހުރިހާއެއްޗެއް މި ދިނީ. އަދި އަހަރެމެން އެކުގައި ހުރިހާ އެއްޗެއް ހާސިލްކޮށްފިން. ބޭނުންވިއަސް ނުވިއަސް, ވަކިވާން ޖެހޭ ވަގުތު މިއޮތީ އައިސްފަ. އަހަރެންނާއި އަހަރެންގެ ކުދިން އަދި އަންހެނުން ވަރަށް ޝުކުރުވެރިވަން މިތަނުން އަހަރެމެންނަށް ލިބުނު ލޯތްބަށް. އަހަރެންގެ ކުދިންގެ ޕާސްޕޯޓްތަކުގައި އަބަދުވެސް 'މެންޗެސްޓަރ' އޮންނާނެ. ވަކިން ހާއްސަކޮށް އަހަރެމެންގެ ހިތުގައި . މިއީ އަބަދުވެސް އަހަރެމެންގެ ގެ" މީސްމީޑިއާއަށް ޑީބްރޭނާ ދޫކޮށްލި ޖަޒުބާތީ މެސެޖުގައި ލިޔެފައިވެއެވެ.
10 އަހަރަށްފަހު ޑީބްރޭނާ ސީޓީ ދޫކޮށްލާއިރު ސިޓީއާއެކު އޭނާ ވަނީ ގިނަ ކާމިޔާބީތަކެއް ހާސިލްކޮށްފައެވެ. ޖުމްލަ 16 ތަށި ހޯދާފައިވާއިރު އޭގެތެރޭގައި ހަ ޕްރިމިއަރ ލީގު, ފަސް ކަރަބޯ ކަޕް, ދެ އެފްއޭ ކަޕް, ދެ ކޮމިއުނިޓީ ޝީލްޑްސް އަދި ޗެމްޕިއަންސް ލީގު ހިމެނެއެވެ. ޑީބްރޭނާ ވަނީ ދެ ސީޒަނެއްގައި (2020-2019 އަދި 2022-2021) ޕްރިމިއަރ ލީގުގެ އެންމެ މޮޅު ކުޅުންތެރިޔާގެ މަޤާމްވެސް ހޯދާފައެވެ.
"މި ފެނުނީމަ އެނގޭނެ ވާން މިއުޅޭނީ ކިހިނެތްކަން. އެކަމަކު އަހަރެން ސީދަލަށް ބުނާނަން. މިއީ އަހަރެން މެންޗެސްޓަރ ސިޓީއާއެކު ހޭދަކުރާ ފަހު މަސްތައް" ހުކުރު ދުވަހު ޑީބްރޭނާގެ މީސްމީޑިއާ އެކަންޓުން ކުރި ޕޯސްޓުގައި ބުނެފައިވެއެވެ.
އޭނާ އިތުރަށް ބުނީ އެހެން ލިއުމަކީވެސް ފަސޭހަކަމެއް ނޫންކަމަށާއި, އެކަމަކު ފުޓްބޯޅަ ކުޅުންތެރިއެއްގެ ހައިސިއްޔަތުން މިއީ ކޮންމެވެސް ދުވަހުން އަންނާނެ ދުވަހެއްކަން އެންމެނަށްވެސް އެނގޭކަމަށެވެ. އަދި އެދުވަސް މިހާރު މިއައީ ކަމަށާއި, އެހެންކަމުން އެވާހަކަ އޭނާގެ ފަރާތުން އަޑުއިވުމަކީ އެންމެ ރަނގަޅުގޮތްކަމުގައި ދެކޭކަމުގައިވެސް އޭނާ ބުނެފައިވެއެވެ.
ޑީބްރޭނާ ސިޓީއާ ގުޅުނީ އުމުރުން އެންމެ 24 އަހަރުގައި ވުލްފްބާގްއިން 2015 ވަނަ އަހަރުއެވެ. ފާއިތުވި 10 އަހަރުގެ ތެރޭގައި އޭނާ ވެގެންގޮސްފައިވަނީ ޕްރިމިއަރ ލީގުގައި އުފެދުނު އެންމެ މޮޅު އެއް މިޑްފީލްޑަރަށެވެ.
ސިޓީއަށް އޭނާ ކުޅެދިން 413 މެޗުން ޖުމްލަ 106 ގޯލް ޑީބްރޭނާ ޖަހައިދީފައި ވެއެވެ. އަދި އިތުރު 174 ގޯލް ޖެހުމުގައި އެޙީތެރިވެދީފައި ވެއެވެ. އަދި އެއީ ޕްރިލިއަރ ލީގުގެ ތާރިޚްގައިވެސް ދެވަނައަށް އެންމެ ގިނަ އެސިސްޓް (118), ރަޔާން ގިގްސް ގެ ފަހަތުން (162) ހެދި ކުޅުންތެރިޔާއެވެ.
ރިއެކްޝަންސް
