ގިނަ އަދަދެއްގެ ބަނގުރަލާއެކު ނޭޕާލް މީހަކު ހައްޔަރުކޮށްފި
ގިނަ އަދަދެއްގެ ބަނގުރަލާއެކު ނޭޕާލް މީހަކު ހައްޔަރުކޮށްފިއެވެ. މައްސަލައިގައި ހައްޔަރުކުރީ 37 އަހަރުގެ ތާތާ ބަހާދުރު ބީ ކޭ އެވެ.
ފުލުހުން ވިދާޅުވީ އޭނާ ހައްޔަރުކުރީ ބަނގުރާ ކަމަށް ޝައްކުކުރެވޭ އެއްޗެއް އަޅާފަހުރި ފުޅިތަކެއް ހުރި ފޮށިތަކެއް ވޭނަކަށް އަރުވައިގެން ހުޅުމާލެއަށް ދަތުރުކުރަމުން ދަނިކޮށް ކަމަށެވެ. އެމައުލޫމާތު ލިބިގެން ވޭން ހުއްޓުވީ ބުރާސްފަތި ދުވަހުގެރޭ 21:46 ހާއިރު ހުޅުމާލެ ރީތިގަސް މަގުން ކަމަށް ފުލުހުން ވިދާޅުވިއެވެ.
ވޭން ހުއްޓުވާ ބަލާފާސްކުރިއިރު ބަނގުރާކަމަށް ބެލެވޭ އެއްޗެއް ހުރި ގިނަ އަދަދެއްގެ 500 މިލިލީޓަރުގެ ފުޅިތަކެއް ފެނުނު ކަމަށް ފުލުހުން ވިދާޅުވިއެވެ. 75 ފުޅި ފެނުނު ކަމަށް ފުލުހުން ވިދާޅުވިއެވެ.
ފުލުހުން ވަނީ ވޭން ޓޯކޮށް, މައްސަލައިގެ ތަހުގީގު ފަށާފައެވެ.
ރިއެކްޝަންސް
