އެމްޑީޕީ ސަރުކާރުން ފެށި ނާސްތާ ޕްރޮގްރާމް ވަނީ ފެއިލްވެފަ- އެޑިއުކޭޝަން މިނިސްޓަރ
އެމްޑީޕީ ސަރުކާރުން ފެށި ނާސްތާ ޕްރޮގްރާމް ވަނީ ފެއިލްވެފައި ކަމަށް އެޑިއުކޭޝަން މިނިސްޓަރ ޑރ.އިސްމާއީލް ޝަފީއު ވިދާޅުވެއްޖެއެވެ. އެޕްރޮގްރާމާ ގުޅޭގޮތުން ބާރަށު ދާއިރާގެ މެމްބަރު އިބްރާހީމް ޝުޖާއު ކުރެއްވި ސުވާލަކަށް ޖަވާބުދެއްވަމުން މިނިސްޓަރ ވިދާޅުވީ ޔުނިވާސަލް ލެވެލްއެއްގައި ހިންގުނު ނާސްތާ ޕްރޮގްރާމް ފެއިލްވެފައިވާ ކަމަށެވެ. އެޕްރޮގްރާމް ފެއިލްވުމުން ކުރީގެ ސަރުކާރުން, މިނިސްޓަރުވެސް ނިންމަވާފައި ވަނީ ބޭނުންވާ ދަރިވަރުންނަށް އެކަނި ނާސްތާ ދިނުމަށް ކަމަށެވެ.
ވަޒީރު ވިދާޅުވީ ފުދުންތެރިކަން ނެތް އަދި ކޮންމެހެން ބޭނުންވާ އާއިލާތައް ދެނެގަނެ, އެއާއިލާތަކުގެ ދަރިވަރުންނަށް ކުދިންނަށް އެހީތެރިކަމެއް ފޯރުކޮށްލަ ދިނުމަކީ މުހިއްމު ކަމެއް ކަމަށެވެ.
" މިހާރު އަޅުގަނޑުމެން ނާސްތާ ފޯރުކޮށްދެމުންދަނީ ބޭނުންވާ ދަރިވަރުން ދެނެގަނެ, އެދަރިވަރުންނަށް ނާސްތާ ފޯރުކޮށްދިނުމުގެ މަސައްކަތް ކުރެވެމުންދަނީ." ވަޒީރު ވިދާޅުވިއެވެ.
ނާސްތާ ޕްރޮގްރާމާ ގުޅިގެން އެއްވެސް ފަރާތަކަށް ދޭންޖެހޭ ފައިސާ ނުދީ ވާކަމުގެ މައުލޫމާތު ލިބިވަޑައިގެންފައި ނެތް ކަމަށްވެސް ވަޒީރު ވިދާޅުވިއެވެ. ނާސްތާ ޕްރޮގްރާމަކީ އެމްޑީޕީގެ ފުރަތަމަ ސަރުކާރުގައި ރައީސް މުޙައްމަދު ނަޝީދުގެ ވައުދުފުޅެއްގެ ގޮތުން ފެއްޓެވި ކަމެކެވެ. އެޕްރޮގްރާމްގެ ދަށުން ފުރަތަމަ ދެމުން އައީ ކިރު ޕެކެޓަކާއި, ދެވަށް ދޮންކޭލެވެ. މިދިޔަ ސަރުކާރުންވެސް ކޮވިޑާ ހަމައަށް ޕްރޮގްރާމް ކުރިއަށް ގެންދިޔައެވެ.
ނާސްތާ ޕްރޮގްރާމާ ގުޅިގެން އެއްވެސް ފައިސާއެއް ނުދީ އޮތްތޯ ކުރެއްވި ސުވާލަށް ޖަވާބުދެއްވަމުން ވަޒީރު ވިދާޅުވީ އެޕްރޮގްރާމްގެ ދަށުން ފައިސާއެއް ނުދީ އޮތްކަމުގެ މައުލޫމަތު ނެތަސް އެޑިއުކޭޝަންގައި ކޮންސްޓްރަކްޝަން ދާއިރާގެ ބޭފުޅުންނާ އަދި އެހެނިހެން ދާއިރާތަކާއެކު ޖުމްލަ އެކު ގާތްގަނޑަކަށް 32 މިލިއަން ރުފިޔާ ނުދެވިވާ ކަމަށެވެ. އެއީ ކުރީގަ އޮތް އަދަދަށް ބަލާނަމަ ވަރަށް ކުޑަ އަދަދެއް ކަމަށާއި, އަހަރު ނިމުމުގެ ކުރިން އެއަދަދު ދައްކާ ހަލާސް ކުރެވޭނެ ކަމަށެވެ.
ރިއެކްޝަންސް
