އެމްޑަބްލިޔުއެސްސީ ގެ 30 ވަނަ އަހަރީ ދުވަހުގެ ތަހުނިޔާ ރައީސުލްޖުމްހޫރިއްޔާ ފޮނުއްވައިފި
މޯލްޑިވްސް ވޯޓަރ އެންޑް ސެވަރޭޖް ކޮމްޕެނީ، އެމްޑަބްލިޔުއެސްސީ ގެ 30 ވަނަ އަހަރީ ދުވަހުގެ ތަހުނިޔާ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ފޮނުއްވައިފިއެވެ.
ރައީސުލްޖުމްހޫރިއްޔާ ވަނީ، އެމްޑަބްލިޔުއެސްސީ އަށް 30 އަހަރު ފުރުމާއި ގުޅިގެން، އެ ކުންފުންޏަށް ތަހުނިޔާ ފޮނުއްވުމަށް އެކްސްގައި ޕޯސްޓެއް ހިއްސާކުރައްވާފައެވެ.
އެމަނިކުފާނުގެ އަމިއްލަފުޅު އެކްސް އެކައުންޓުން ކުރެއްވި ޕޯސްޓެއްގައި ވިދާޅުވީ، އެމްޑަބްލިޔުއެސްސީއަށް މީގެ ކުރިން ޚިދުމަތް ކޮށްދެއްވާފައިވާ ފަރާތްތަކަށާއި، އަދި މިހާރު އެ ކުންފުނީގައި މަސައްކަތްކުރައްވަމުން ގެންދަވާ އެންމެހާ ޚިދުމަތްތެރީންނަށް މަރްޙަބާއާއި ޝުކުރު ދަންނަވާކަމަށެވެ.
މޯލްޑިވްސް ވޯޓަރ އެންޑް ސެވަރޭޖް ކޮމްޕެނީގެ އަހަރީ ދުވަހުގެ ގޮތުގައި ފާހަގަކުރަނީ ކޮންމެ އަހަރެއްގެ ވެސް އޭޕްރީލް މަހުގެ 1 ވަނަ ދުވަހެވެ.
ރިއެކްޝަންސް
