ލެވަންޑޮސްކީގެ ދެ ގޯލާއެކު ބާސެލޯނާއިން ސާފު ލީޑެއް ނަގައިފި
މެޗުގައި ބާސެލޯނާއަށް ދެ ގޯލް ކާމިޔާބުކޮށްދިން ލެވަންޑޮސްކީ

ލެވަންޑޮސްކީގެ ދެ ގޯލާއެކު ބާސެލޯނާއިން ސާފު ލީޑެއް ނަގައިފި

4 days ago - 01:09
Mar 31, 2025 - 01:38

ސްޕެނިޝް ލަލީގާގައި އާދިއްތަ ދުވަހު 4-1 ޖިރޯނާ ބަލިކުރި މެޗުގައި ރޮބާޓް ލޮވަންޑޮސްކީގެ ދެ ގޯލާއެކު ތާވަލްގައި ބާސެލޯނާއިން ސާފު ލީޑެއް ނަގައިފިއެވެ.

މި މޮޅާއެކު ބާސެލޯނާއިން ތާވަލްގެ ކުރީގައި އޮތީ 29 މެޗުން 66 ޕޮއިންޓާއެކުއެވެ. އެއީ ދެވަނައިގައި އޮތް ވާދަވެރި ރެއާލް މެޑްރިޑަށްވުރެ ތިން ޕޮއިންޓް އިތުރަށް ހޯދައިގެންނެވެ.

ބާސެލޯނާގެ ފުރަތަމަ ގޯލަކީ ޖިރޯނާގެ ކުޅުންތެރިއެއްގެ އަތުން ބައިކޮޅަށް ވައިން ގޯލެކެވެ. ލެވަންޑޮސްކީ ލީޑު ފުޅާކޮށްދިނީ 61 ވަނަ މިނިޓްގައި ފާމިން ލޮޕޭޒް އަދި 77 ވަނަ މިނިޓްގައި ފްރޭންކީ ޑި ޖޮންގ ތަނަވަސްކޮށްދިން ފުރުޞަތުތަކުގައެވެ. ޖިރޯނާގެ ހަމައެކަނި ގޯލް މެޗުގެ 53 ވަނަ މިނިޓްގައި ކާމިޔާބުކުރީ އަރްނައުޓް ޑެންހުމާއެވެ.

މިއާއެކު މި ސީޒަންގައި ލަލީގާގެ އެންމެ ގިނަ ގޯލް ކާމިޔާބު ކުރުމުގެ ޝަރަފުވެސް މިވަގުތު އޮތީ 25 ގޯލާއެކު 39\6 އަހަރުގެ ލެވަންޑޮސްކީ އަތުގައެވެ. އެއީ ރެއާލްގެ ކީލިއަން އެމްބާޕޭއަށް ވުރެ ތިން ގޯލް އިތުރަށް ކާމިޔާބުކޮށްގެންނެވެ.

Advertisement
Advertisement

ދެވަނަ ހާފުގައި ބަދަލު ކުޅުންތެރިއެއްގެ ގޮތުގައި ނިކުއިން ފެރަން ޓޮރޭޒް ބާސެލޯނާގެ ފަހު ގޯލް ކާމިޔާބުކޮށްދީނީ މެޗުގެ 86 ވަނަ މިނިޓްގައި ޖެރާޑް މާޓިން ތަނަވަސްކޮށްދިން ފުރުޞަތުގައެވެ.

މެޗަށްފަހު ނޫސްވެރިންނާ ވާހަކަ ދައްކަމުން ލެވަންޑޮސްކީ ބުނީ އޭނާގެ އުމުރާ ބެހޭގޮތުން ވަރަށް ގިނަ މީހުން ވާހަކަ ދައްކާކަށް އެނގޭ ކަމަށާއި, ނަމަވެސް އޭނާ އުމުރުން 21 އަހަރުގައިވެސް މަސައްކަތްކުރި ގޮތަށް މިހާރުވެސް އޭނާ މަސައްކަތްކުރާ ކަމަށެވެ. އަދި އޭނާ ގިނަ ސިޒަންތަކެއްގައި ކުޅެން ބޭނުންވާ ކަމަށާއި, މިވަގުތު އޭނާ ފިޒިކަލީ ހުރީ ހިތްހަމަޖެހޭ ހާލަތެއްގައި ކަމުގައެވެ. އެހެންކަމުން އޭނާގެ ގޯލް ރޭޓިންއަށް ބަލާނަމަ އެކަން ބުނެދޭ ކަމުގައެވެ.

ރިއެކްޝަންސް

like

dislike

love

funny

angry

sad

wow