ހީނާމާގޭ ޕާކިންގ ސަރަހައްދުން 5 ބިދޭސީއަކު އިމިގްރޭޝަންގެ ބެލުމުގެ ދަށަށް
މާލޭގެ ހީނާމާގޭ ޕާކިންގ ސަރަހައްދުގައި ޤަވާއިދާއި ޚިލާފަށް އުޅެމުން ދިޔަ 5 ބިދޭސީއަކު އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.
މޯލްޑިވްސް އިމިގްރޭޝަނުންވިދާޅުވީ ޤަވާއިދާހިލާފަށް އުޅޭ ބިދޭސީން ބަލައި ފާސްކުރުމަށް ކުރިއަށްގެންދާ ރެއިޑު އޮޕަރޭޝަންތަކުގެ ތެރެއިން ރޭގައި މާލޭގެ ހީނާމާގޭ ޕާކިންގ ސަރަހައްދުގައި އުޅެމުންދިއަ ބިދޭސީން ބަލައި ފާސްކޮށްފައިވާ ކަމަށެވެ. އަދި މި ރެއިޑު އޮޕަރޭޝަނެއްގެ ތެރެއިން ގަވާއިދާ ޚިލާފަށް އުޅުނު 05 ބިދޭސީން އެއިދާރާގެ ބެލުމުގެ ދަށަށް ގެންގޮސްފައިވާ ކަމަށެވެ.
އިމިގްރޭޝަނުން މިފަދަ ޕޯސްޓެއްކޮށްފައިވާ އިރު އެ އިދާރާގެ ފަރާތުން ދަނީ ރާއްޖޭގައި ޤަވާއިދާއި ޚިލާފަށް އުޅެމުންގެންދާ ބިދޭސީންގެ މައްސަލަތައް ހައްލުކުރުމަށްޓަކައި ގިނަގުނަ މަސައްކަތްތަކެއް ކުރަމުންނެވެ. އެގޮތުން ދިވެހި ފުލުހުންނާއި ގުޅިގެން މިފަދަ އޮޕަރޭޝަންތައް ހިންގާ ގިނަ އަދަދެއްގެ ބިދޭސީން ވަނީ އެއިދާރާގެ ބެލުމުގެ ދަށަށް ގެންގޮސްފައެވެ. އަދި މީގެ ތެރެއިން ގިނަ އަދަދެއްގެ ބިދޭސީން ޑީޕޯޓްކޮށްލައިފައި ވެސް ވެއެވެ.
ރިއެކްޝަންސް
