ދެގައުމުގެ ކުޅިވަރު ކުރިއެރުވުމާއި ގުޅޭގޮތުން ރާއްޖޭ އާއި ލަންކާ މަޝްވަރާކޮށްފި
ރާއްޖޭއާއި ސްރީލަންކާ އާއި ދެގައުމުގެ ކުޅިވަރު ކުރިއެރުވުމަށް ކުރެވިދާނެ ކަންތައްތަކާއި ގުޅޭ ގޮތުން ދެގައުމުގެ ދެމެދުގައި މަޝްވަރާކޮށްފިއެވެ.
ކުޅިވަރާއި ބެހޭ ވުޒާރާއިން މައުލޫމާތު ދެއްވި ގޮތުގައި މި މަޝްވަރާތައް ކުރިއަށް ގެންގޮސްފައި ވަނީ ކުޅިވަރާއި ހަށިހެޔޮކަމާ ބެހޭ ވަޒީރު، ޢަބްދުﷲ ރާފިޢު، ސްރީލަންކާގެ އެކްޓިންގ ހައި ކޮމިޝަނަރ، ޑީ. އަމަނުއްލާއާ ބައްދަލުކުރައްވާ ދެއްކެވި ވާހަކަފުޅުތަކުގެ ތެރޭގައެވެ.
މި ބައްދަލުކުރެއްވުމުގައި ކުޅިވަރާއި އެތުލީޓުންނަށް ލިބޭ ފުރުޞަތުތައް ރަނގަޅުކުރުމާއި، އެއްބާރުލުން އިތުރުކުރުމާ ގުޅޭގޮތުން މަޝްވަރާ ކުރައްވާފައިވާކަމަށް ކުޅިވަރާއި ބެހޭ ވިޒާރާއިން ވިދާޅިވިއެވެ.
ސްރީލަންކާއަކީ ދިވެހިރާއްޖެ އާއި އެންމެ އަވަށްޓެރި އެއް ގައުމަށްވާ އިރު އެ ގައުމުން އަންނަނީ ތަފާތު ރޮގުތަކުން ރާއްޖެއަށް އެހީތެރިކަން ފޯރުކޮށްދެމުންނެވެ.
ރިއެކްޝަންސް
