ފުވައްމުލަކުގައި ނުރައްކާތެރި އެކްސިޑެންޓެއް ހިނގައި ޒުވާނަކަށް އައިސީޔޫގައި ފަރުވާދެނީ
މި އެކްސިޑެންޓް ހިނގާފައިވަނީ މިރޭ 11:30 ހާއިރު
ފުވައްމުލަކުގައި ހިނގި ނުރައްކާތެރި އެކްސިޑެންޓެއް ހިނގައި ޒުވާނަކަށް އައިސީޔޫގައި ފަރުވާދޭން ފަށައިފިއެވެ.
ފުވައްމުލަކު ދޫނޑިގަމުގައި މިރޭ މި އެކްސިޑެންޓް ހިނގާފައިވަނީ މިރޭ އެގާރަގަޑި ބައި ހާއިރު ކަމަށް އަމާޒް މީޑިއާއަށް މައުލޫމާތު ލިބިފައި ވެއެވެ.
މައުލޫމާތު ލިބިފައިވާ ގޮތުގައި މި އެކްސިޑެންޓުގައި އަނިޔާވި ޒުވާނާ ފުވައްމުލަކު ހޮސްޕިޓަލަށް ގެންދިޔައިރުވެސް ހޭނާރައެވެ.
އަމާޒްމީޑިއާއަށް މައުލޫމާތު ލިބިފައިވާ ގޮތުގައި މި އެކްސިޑެންޓްގައި ސީރިއަސް އަނިޔާތަކެއް ލިބި އައިސީޔޫގައި ފަރުވާދެމުން އަންނަ ޒުވާނާ އިތުރު ފަރުވާއަށް މާލެ ގެންދެވޭވަރަށްވުރެންވެސް ހާލު ދެރައެވެ.
މި އެކްސިޑެންޓާ ގުޅޭ ގޮތުން ފުވައްމުލަކު ހޮސްޕިޓަލުގެ ބަހެއް އަދި މިހާތަނަށް ލިބިފައެއް ނުވެއެވެ.
މިއީ ފުވައްމުލަކުގައި މަހެއްގެ ތެރޭގައި ހިނގި ނުރައްކާތެރި ދެވަނަ އެކްސިޑެންޓެވެ.
މިމަހު ކުރީ ކޮޅު ފުވައްމުލަކުގައި ހިނގި ނުރައްކާތެރި އެކްސިޑެންޓެއްގައި އަނިޔާވި އުމުރުން ދުވަސްވީ މީހަކު އިތުރު ފަރުވާއަށް މާލެ ގެނެސް އައިޖީއެމްއެޗުގައި މިހާރުވެސް އަންނަނީ ފަރުވާދެމެުންނެވެ.
ތަފްސީލް އަންނަނީ...
ރިއެކްޝަންސް
