އިންޑިޔާއާ އޮތް ގުޅުން އިތުރަށް ބަދަހިކުރުމާ ގުޅޭ ގޮތުން ފޮރިންގ މިނިސްޓަރ ޚަލީލް ސަފީރާ މަޝްވަރާކުރައްވައިފި
އިންޑިޔާއާ އޮތް ގުޅުން އިތުރަށް ބަދަހިކުރުމާ ގުޅޭ ގޮތުން ފޮރިންގ މިނިސްޓަރ ޑރ.އަބްދުالله ޚަލީލް އިންޑިޔާ ސަފީރާ މަޝްވަރާކުރައްވައިފި އެވެ.
އިންޑިޔާއިން ކަނޑައެޅުއްވި އާސަފީރު ޖީ.ބަލަސްބުރަމާނިއަމް އާއި ފޮރިންގ މިނިސްޓަރ ޚަލީލްގެ މަޝްވަރާތައް އޮތީ މިއަދު ފޮރިންގ މިނިސްޓްރީގައެވެ. ފޮރިންގ މިނިސްޓަރ ޚަލީލް ވަނީ އިންޑިޔާގެ އާސަފީރަށް މަރުހަބާ ވިދާޅުވެފައެވެ.
މިނިސްޓަރ ޚަލީލާއި ސަފީރުގެ މަޝްވަރާތައް ބިނާކުރެއްވީ ދެގައުމުގެ ގުޅުމާއި, ގުޅުން އިތުރަށް ބަދަހިކުރުމާ ގުޅޭގޮތުންނެވެ. މިދިޔަ އަހަރުތަކުގައި އިންޑިޔާގެ ސަރުކާރާއި ރައްޔިތުންގެ ފަރާތުން ރާއްޖެއަށް ލިބުނު އަދި ލިބެމުންދާ އެހީތެރިކަމާއި އެއްބާރުލުން ފާހަގަކޮށް, މިނިސްޓަރ ވަނީ ޝުކުރު އަދާކުރައްވާފައެވެ.
އިންޑިޔާ ސަފީރު ވަނީ ދެގައުމަށް ފައިދާކުރަނި ކަންކަމުގައި ކައިރިން ގުޅިގެން މަސައްކަތް ކުރައްވާނެ ކަމުގެ ޔަގީންކަން ދެއްވާފައެވެ. އަދި އެއްބާރުލެއްވުން ދިނުން މަތީ އިންޑިޔާ ދެމިއޮންނާނެ ކަމުގެ ޔަގީންކަން ދެއްވިއެވެ.
ދާދިފަހުން ފޮރިންގ މިނިސްޓަރ ޚަލީލް ވަނީ އިންޑިޔާއަށް ފުރަތަމަ ރަސްމީ ދަތުރު ކުރައްވާ މަޝްވަރާތައް ކުރިއަށް ގެންދަވާފައެވެ.
ރިއެކްޝަންސް
