ހުޅުމާލޭގެ ބައެއް ސަރަހައްދުތަކުން ކަރަންޓް ކެނޑިފައިވަނީ ފީޑަރެއް ޓްރިޕް ވުމުން- ސްޓެލްކޯ
ބޮޑު ބަޔަކަށް އަލުން ކަރަންޓް ދެވިއްޖެ
ހުޅުމާލޭގެ ބައެއް ސަރަހައްދުތަކުން ކަރަންޓުގެ ހިދުމަތް މެދުކެނޑިފައިވަނީ ހުޅުމާލެއަށް ކަރަންޓު ދޭ ފީޑަރ ތަކުގެ ތެރެއިން ފީޑަރެއް ޓްރިޕް ވުމާއި ގުޅިގެން ކަމަށް ސްޓެލްކޯއިން ބުނެފިއެވެ.
ދިމާވި ޓެކްނިކަލް މައްސަލައަކާ ގުޅިގެން ހުޅުމާލޭގެ ބައެއް ސަރަހައްދުތަކުން ކަރަންޓް ކެނޑިފައިވާ ކަމަށް ސްޓެލްކޯއިން ބުނީ މިރޭ 11 ޖަހަން އުޅެނިކޮށެވެ. ސްޓެލްކޯއިން ބުނީ ފުރަތަމަ ފިޔަވަހީގެ 3 ޓްރާންސްފޯމަރެއް މިހާރު އެނަޖައިޒްކޮށް ކަރަންޓުދެވިފައިވާ ކަމަށެވެ. އަދި ހުޅުމާލޭގެ ދެވަނަ ފިޔަވަހީގެ އެމްޕީއެލް ޓަވަރާއި، ދިރާގު ބިލްޑިންގ ފިޔަވާ ކަރަންޓުގެ ހިދުމަތް މެދުކެނޑުނު ހުރިހާ ސަރަހައްދުތަކަކަށް މިހާރު އަލުން ކަރަންޓު ދެވިފައިވާކަމަށް ސްޓެލްކޯއިން ބުނެޏެވެ.
ކަރަންޓު ނުދެވި ހުރި ސަރަހައްދުތަކަށް ވީއެންމެ އަވަހަކަށް ކަރަންޓު ދިނުމަށްޓަކައި ކުރަންޖެހޭ މަސައްކަތްތައް ސްޓެލްކޯގެ މުވައްޒަފުން ކުރަމުން ދާކަމަށް އެކުންފުނިން ބުންޏެވެ.
" ދިމާވާނެ ދަތިތަކަށް މަޢާފަށް އެދެން " ސްޓެލްކޯއިން ބުންޏެވެ.
ރިއެކްޝަންސް
