ފުލުހުން ޓެކްސީ ޑްރައިވަރުން ތަމްރީނު ކުރަނީ
ޓެކްސީ ޑްރައިވަރުންނަށް މައުލޫމާތުދެނީ އެއްގަމު ދަތުރުފަތުރުގެ ޤާނޫނާ ގުޅޭގޮތުން
ޓެކްސީ ޑްރައިވަރުން ތަމްރީނުކޮށް, ތާޒާކުރުމުގެ މިއަހަރުގެ ފުރަތަމަ ޕްރޮގްރާމް ދިވެހި ފުލުހުންގެ ޚިދުމަތުން ފަށައިފިއެވެ. ފުލުހުން ބުނީ މިއީ އެއްގަމު ދަތުރު ފަތުރުގެ ޤާނޫނާ ޤަވާއިދު ތަކަށް ޓެކްސީ ޑްރައިވަރުން ހޭލުންތެރި ކުރުވުމަށް ކުރިއަށް ގެންދާ ޕްރޮގްރާމެއް ކަމަށެވެ.
މިޕްރޮގްރާމްގައި 309 ޑްރައިވަރުން ބައިވެރިވެއެވެ. އޭގެތެރޭގައި އަލަށް ޓެކްސީގެ ޚިދުމަތަށް ނިކުންނަ ޑްރައިވަރުންނާއި, މިހާރުވެސް ތެކްސީ ޑްރައިވަރުންގެ ގޮތުގައި މަސައްކަތްކުރާ ޑްރައިވަރުން ހިމެނެއެވެ. ފުލުހުން ބުނީ މި ޕްރޮގްރާމުގައި، އެއްގަމު ދަތުރުފަތުރުގެ ގާނޫނާއި ގަވާއިދުތަކާ ގުޅޭގޮތުން މައުލޫމާތު ދިނުމުގެ އިތުރުން އެކްސިޑެންޓުތަކާއި މަގުމަތީގައި ދިމާވާ އެކި މައްސަލަތައް ހައްލުކުރުމުގައި ޓެކްސީ ޑްރައިވަރުންގެ ދައުރާ ގުޅޭގޮތުން މައުލޫމާތު ހިއްސާކުރާނެ ކަމަށެވެ. އަދި އެފަދަ ހާލަތުގައި ޑްރައިވަރުންގެ އަމަލުތައް ބަހައްޓަންވީގޮތާ ގުޅޭގޮތުން ވެސް މައުލޫމާތުދޭނެ ކަމަށް ފުލުހުން ބުންޏެވެ.
މިޕްރޮގްރާމް ކުރިއަށް ގެންދަނީ މިމަހުގެ 15 ގެ ނިޔަލަށެވެ. އެކްސިޑެންޓް ވުމުން ބައެއް ޓެކްސީ ޑްރައިވަރުންނާއި, އެއްގަމު އުޅަނދު ދުއްވާ ފަރާތްތަކުން މަޑުނުކޮށް ދާ މައްސަލައަކީވެސް ދޭތެރެ ދޭތެރެއިން ކުރިމަތިވާ މައްސަލައެކެވެ. އަދި މަގު ހިނގާ މީހުންގެ ސަބަބުންވެސް އެކްސިޑެންޓްތައް ހިނގައެވެ.
ރިއެކްޝަންސް
