ބައި-އިލެކްޝަން: ވޯޓުލުން ބަންދުކުރުން 5 ޖެހުމާ ހަމައަށް އިތުރު ކޮށްފި
މިއަދު ކުރިއަށްދާ ބައި-އިލެކްޝަންގެ ވޯޓުލުން ބަންދުކުރާ ވަގުތު ހަވީރު 5 ޖެހުމާ ހަމައަށް އިތުރުކޮށްފި.
މިއަދު ކުރިއަށްދާ ބައި-އިލެކްޝަންގެ ވޯޓުލުން ބަންދުކުރާ ވަގުތު ހަވީރު 5 ޖެހުމާ ހަމައަށް އިލެކްޝަންސް ކޮމިޝަނުން އިތުރު ކޮށްފިއެވެ.
އިލެކްޝަންސް ކޮމިޝަނުން ވިދާޅުވީ ވޯޓުލުން ބަންދުކުރާ ވަގުތު އިތުރު ކުރީ މިއަދުގެ މޫސުން ގޯސްވާނެ ކަމަށް ލަފާ ކުރެވޭތީ ކަމަށެވެ.
ކުރިން ވޯޓުލުން ބަންދުކުރުމަށް އިލެކްޝަންސް ކޮމިޝަނުން ހަމަޖައްސާފައިވަނީ ހަވީރު 4 ޖެހުމާ ހަމައަށެވެ.
މިދުވަސްވަރަކީ މުޅި ރާއްޖެއަށްވެސް މޫސުން ގޯސް ވިއްސާރަ ދުވަސްވަރެއް ނަމަވެސް މިއަދު މިހާތަނަށް މޫސުން ރަނގަޅެވެ.
މިއަދު ކުރިއަށް ދަނީ މާލޭ ސިޓީ ކައުންސިލްގެ މޭޔަރާއި ކައުންސިލް މެންބަރުން އިންތިޚާބު ކުރުމަށް ބާއްވާ ބައި-އިލެކްޝަންގެ އިތުރުން މ. މުލަކު އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ ބައި-އިލެކްޝަންއެވެ.
މާލޭ ސިޓީގެ ހުސްވެފައިވާ މޭޔަރުގެ މަގާމަށް 5 ބޭފުޅަކު ވާދަކުރައްވައެވެ.
ރިއެކްޝަންސް
