ފުވައްމުލަކު ކައިރިން ސޯމާލިޔާ ޑިންގީއެއް ފެނިއްޖެ
3 މީހުން ތިބި
ފުވައްމުލަކު ކައިރިން ސޯމާލިޔާ ޑިންގީއެއް ފެނިއްޖެއެވެ.
އެމްއެންޑީއެފް އިން ބުނީ ތިން މީހުންނާއެކު ޑިންގީ ފެނުނީ ފުވައްމުލައް ސިޓީގެ ހުޅަނގުއުތުރުން 10 ވަރަކަށް މޭލު ބޭރުން ކަމަށެވެ. ޝައްކު ކުރެވޭ ޑިންގީއެއް، އެމްއެންޑީއެފް ސަދަން އޭރިއާ ކޮމާންޑް، ކޯސްޓްގާޑު ފޯތު ސްކޮޑްރަންގެ ހާބަރ ޕެޓްރޯލުން އެ ސަރަހައްދަށް ގޮސް ކޯސްޓްގާޑުގެ ބެލުމުގެ ދަށަށް ގެނެސްފައިވާ ކަމަށް އެމްއެންޑީއެފް އިން ބުންޏެވެ.
"އެ ސަރަހައްދަށް ގޮސް ބެލިބެލުމުން އެނގުނުގޮތުގައި މިއީ ރާއްޖެއިން ބޭރުގެ ސޯމާލިއާގެ މީހުން ބޭނުންކުރާ ވައްތަރުގެ "ސްކިފް" އެއް. މި ޑިންގީގައި ސޯމާލިއާ މީހުން ކަމަށް ޝައްކު ކުރެވޭ 3 މީހުން ތިބި." އެމްއެންޑީއެފް އިން ބުންޏެވެ.
ޑިންގީ މިހާރު ވަނީ އެމްއެންޑީއެފް ކޯސްޓްގާޑުގެ ބެލުމުގެ ދަށުން ފުވައްމުލަކު ސިޓީ ބަނދަރަށް ވައްދާފައެވެ. އަދި މޯލްޑިވްސް ޕޮލިސް ސަރވިސްއާ ހަވާލު ކުރުމުގެ މަސައްކަތް ކުރަމުންދާކަމަށް އެމްއެންޑީއެފްއިން ބުންޏެވެ.
ރިއެކްޝަންސް
