އެޗް.ޑީ.ސީގެ ޗެއާމަން ފިޔަވައި ބޯޑުގެ ހުރިހާ މެންބަރުން ސަސްޕެންޑް ކޮށްފި
އެކުންފުނީގެ ބޯޑު މެންބަރުން ސަސްޕެންޑް ކޮށްފައިވަނީ ފުލުހުން މިހާރު ކުރިއަށްގެންދާ ތަހުގީގު ނިމެންދެން
ހައުސިން ޑިވެލޮޕމަންޓް ކޯޕަރޭޝަން، އެޗް.ޑީ.ސީގެ ބޯޑުގެ ޗެއާމަން ފިޔަވައި އެހެން ހުރިހާ ބޭފުޅުން ސަސްޕެންޑް ކޮށްފައިވާ ކަން ސަރުކާރުން ހާމަކުރައްވައިފިއެވެ.
ސަރުކާރުގެ ތަރުޖަމާނު ހީނާ ވަލީދު ވަނީ މިކަން ކަށަވަރު ކޮށްދެއްވާފައެވެ.
ހީނާ ވިދާޅުވީ އެޗްޑީސީގެ ބޯޑުގައި ހިމެނޭ ޗެއާމަން ފިޔަވައި މެނޭޖިން ޑިރެކްޓަރާއި އެހެން ހުރިހާ މެންބަރުންވެސް ފުލުހުން ކުރިއަށް ގެންދާ ތަހްގީގު ނިމެންދެން ސަސްޕެންޑް ކުރައްވާފައިވާ ކަމަށެވެ.
އޭނާ ވިދާޅުވީ ކުންފުނީގެ މެނޭޖްމެންޓާމެދު އަޅާފައިވާ ފިޔަވަޅުގެ ސަބަބުން، ގޯތި ލިބިފައިވާ އެއްވެސް ފަރާތެއްގެ އެއްވެސް ހައްގަކަށް އުނިކަމެއް ނުލިބޭނެ ކަމުގެ ޔަގީންކަން ސަރުކާރުން އެހުރިހާ ފަރާތްތަކަކަށްވެސް އަރުވާ ކަމަށެވެ.
ރިއެކްޝަންސް
