މައިބަދައަށް އަނިޔާވެ އުއްތަމަ ފަނޑިޔާރަށް ދަރުމަވަންތަ ހޮސްޕިޓަލުގައި ފަރުވާދެނީ
ޗުއްޓީ ހޭދަކުރައްވަން ބ.ފުޅަދޫގައި އުޅުއްވަނިކޮށް ލިބުނު އަނިޔާއަކާ ގުޅިގެން ސުޕްރީމް ކޯޓުގެ އުއްތަމަ ފަނޑިޔާރު އަޙްމަދު މުޢުތަސިމް އަދުނާނު، ދަރުމަވަންތަ ހޮސްޕިޓަލުގައި އެޑްމިޓުކޮށް ފަރުވާ ދޭން ފަށައިފިއެވެ.
މައުލޫމާތު ލިބިފައިވާ ގޮތުގައި އުއްތަމަ ފަނޑިޔާރު ދަރުމަވަންތަ ހޮސްޕިޓަލުގައި އެޑްމިޓު ކޮށްގެން ފަރުވާ ހޯއްދަވަނީ މައިބަދައަށް ލިބުނު އަނިޔާއަކަށެވެ. މި އަނިޔާގެ ސަބަބުން އެމަނިކުފާނަށް ހިންގަވައި އުޅުއްވަން ދަތިކަމަށް މައުލޫމާތު ލިބިފައިވެއެވެ.
އުއްތަމަ ފަނޑިޔާރަށް ލިބުނު އަނިޔާގެ ސަބަބުން އެމެޖެންސީގައި މާލެ ގެނެސްފައިވަނީ ރޭ ދަންވަރުގެ ވަގުތެއްގައި ކަމަށް މައުލޫމާތު ލިބިފައި ވެއެވެ.
އެހެން ނަމަވެސް ރަސްމީ އެއްވެސް އިދާރާއަކުން އުއްތަމަ ފަނޑިޔާރުގެ ސިއްޚީ ޙާލުކޮޅާ ގުޅޭ އެއްވެސް މައުލޫމާތެއް އަދި މިހާތަނަށް ހާމަކޮށްފައެއް ނުވެއެވެ.
ރިއެކްޝަންސް
