ކޯޓް އަމުރެއްގެ ދަށުން ޓެކްސީ ޑްރައިވަރު މިސްބާހު ހައްޔަރުކުރިކަން ފުލުހުން ކަށަވަރުކޮށްދީފި
ކޯޓް އަމުރެއްގެ ދަށުން ޓެކްސީ ޑްރައިވަރު މިސްބާހު ޝަރީފް ހައްޔަރުކުރިކަން ފުލުހުން ކަށަވަރުކޮށްދީފި އެވެ.
ދިވެހި ފުލުހުންގެ ޚިދުމަތުން މިއަދު ބުނީ މިސްބާހު ކޯޓް އަމުރެއްގެ ދަށުން ހައްޔަރުކުރީ ބުދަ ދުވަހުގެރޭ ބައެއް ޓެކްސީ ޑްރައިވަރުން ކުރިއަށް ގެންދިޔަ މުޒާހަރާގައި ޢާއްމު ދަތުރުފަތުރަށް ހުރަސްއަޅާ, މަގު ބްލޮކްކޮށް, ފުލުހުންގެ ދައުރު އަދާކުރުމަށް ހުރަސްއެޅި މައްސަލައާ ގުޅިގެން ކަމަށެވެ. 31 އަހަރުގެ މިސްބާހު ހައްޔަރުކުރީ ހުކުރު ދުވަހުއެވެ.
މިސްބާހު އަކީ ޓެކްސީ ޑްރައިވަރސް އެސޯސިއޭޝަންގެ އިންތިޒާމް ސެކެޓްރީ އެވެ. ފުލުހުން ބުނީ މައްސަލަ ތަހުގީގު ކުރަމުންދާ ކަމަށެވެ. އެރޭގެ މުޒާހަރގެ ތެރެއިންވެސް އިސްކޮށް އުޅުނު ތިން ޑްރައިވަރުން ހައްޔަރުކުރިއެވެ. އޭގެތެރެއިން ދެ ޑްރައިވަރުން 5 ދުވަހަސް ބަންދުކުރަން ކޯޓުން އަމުރު ކުރިއެވެ. އަދި އެއް ޑްރައިވަރު ޝަރުތުކުރުމަށްފަހު ދޫކޮށްލިއެވެ.
ޑްރައިވަރުންގެ ހިތްހަމަނުޖެހުން އޮތީ ސަރުކާރުން ޓެކްސީ ލައިނެއް އުފައްދަން އުޅޭ މައްސަލާގައެވެ.
ރިއެކްޝަންސް
