ރޯވި އިމާރާތުގެ ޚިދުމަތްތައް މާދަމާ ފެށޭނެ، ސަރުކާރުގެ މުހިއްމު ލިޔުންތައް ރިކަކުރެވޭނެ- ވަޒީރު މުއްޠަލިބު
ރޯވި ސަބަބު ދެނެގަތުމަށް ބޭރުގެ ޓެކްނިކަލް ޓީމެއް ގެންނަނީ
ރޯވި އިމާރާތުގެ ޚިދުމަތްތައް މާދަމާ ދަރިބާރުގޭގައި ދޭން ފެށޭނެ ކަމަށާއި، ސަރުކާރުގެ މުހިއްމު ލިޔުންތައްވެސް ރިކަކުރެވޭނެ ކަމުގެ އުއްމީދު ބޮޑުކަމަށް އިނާރާތްކުރުމާއި ބިނާރާ ބެހޭ ވަޒީރު ޑރ.ޢަބްދުالله މުއްޠަލިބު ވިދާޅުވެއްޖެއެވެ.
ބުރާސްފަތި ދުވަހު ހެނދުނު މ.ގްރީން ބިލްޑިންގ ގައި އަލިފާން ރޯވެ، އެއިމާރާތް ބިމާހަމަވި ހާދިސާގެ މައުލޫމާތު ދެއްވުމަށް މިއަދު ދަރުބާރުގޭގައި ބޭއްވި ނޫސްވެރިންގެ ބައްދަލުވުމުގައި ވަޒީރު މުއްޠަލިބު ވިދާޅުވީ ތިން ވުޒާރާގެ ޢާއްމު ޚިދުމަތްތައް ދަރުބާރުވޭގައި ދޭން ފެށުމަށް ތައްޔާރުވަމުން އަންނަ ކަމަށެވެ. މާދަމާ ޚިދުމަތް ދޭން ފެށޭވަރު ވާނެ ކަމަށް ވިދާޅުވިއެވެ. އެތިކް ވުޒާރާއަކީ ގެދޮރުވެރިކަމާ ބެހޭ ވުޒާރާއާއި، އިމާރާތް ކުރުމާއި ބިނާރާ ބެހޭ ވުޒާރާއާއި ތިމާވެއްޓާ ހަކަތައާ ބެހޭ ވުޒާރާއެވެ.
ވަޒީރު ވިދާޅުވީ އެންމެ ބޮޑު އިސްކަމެއް ދިނީ ރައްޔިތުންނަށް ދޭންޖެހޭ ޚިދުމަތްތައް އަވަހަށް ފެށުމަށް ކަމަށެވެ.
މިހާތަނަށް އެންމެ ބޮޑު ކަންބޮޑުވުމެއް އޮތީ ޢާއްމު ރައްޔިތުންނާ ގުޅުންހުރި މުހިއްމު ލިޔެކިޔުންތައް ގެއްލުމާމެދުއެވެ. ނަމަވެސް ވަޒީރު ވިދާޅުވީ މުހިއްމު ގިނަނލިޔެކިޔުންތައް ރިކަވާ ކުރެވޭނެ ކަމުގެ އުއްމީދު ބޮޑުކަމަށެވެ. އޭގެތެރޭގައި ގޯތިގެދޮރާއި، ލޯނާއި ބެހޭ ލިޔުންތައް ހިމެނެއެވެ. ގިނަ ޑާޓާ ތަކުގެ ބެކަޕް ހުރި ކަމުގެ ޔަގީންކަން ވަޒީރު ދެއްވިއެވެ.
"ދައުލަތުގެ އިދާރާތަކުގެ ޑާޓާތައް މިހާތަނަށް އަޅުގަނޑުމެން ބެލިބެލުމުން އަޅުގަނޑުމެން އަތުގައި ފުދޭވަރަކަށް ގިނަ ޑާޓާތައް އެބަހުއްޓޭ ސްޓޯކުރެވިފަ، ބެކަޕް ނެގިފަ. ދެން އަޅުގަނޑުމެން ބަލަމުން އެެސެސް ކުރަމުން މިދަނީ އަޅުގަނޑުމެންގެ އަތުގައި މަދުވެގެންދާނީ ކޮން އެއްޗިއްސެއްތޯ." ވަޒީރު ވިދާޅުވިއެވެ.
4000 ފްލެޓްގެ ލިޔެކިޔުންތައްވެސް ކްލައިޑްގައި ހުރުމުން އެލިޔުންތައް ހުންނާނެ ކަމުގެ ޔަގީންކަން ހައުސިންގ މިނިސްޓަރ ޑރ.އަލީ ހައިދަރު ވަނީ ކުރިން ދެއްވާފައެވެ.
މިއަދުގެ ނޫސްވެރިންގެ ބައްދަލުވުމުގައިކޮމިޝަނަރު އޮފްޕޮލިސް އަލީ ޝުޖާއު ވިދާޅުވީ ހާދިސާގެ ތަހުގީގު ފުލުހުން ކުރަމުންދާ ކަމަށެވެ. ނަމަވެސް ތަހުގީގުގައި ބޭރުގެ ތަހުގީގު ޓީމެއްގެ އެހީ ހޯދާނެ ކަމަށް ވިދާޅުވިއެވެ. ސީޕީ ވިދާޅުވީ ބޭރުގެ ތަހުގީގު ޓީމް ވަރަށް އަވަހަށް ދިވެހި ފުލުހުންގެ ތަހުގީގު ޓީމާއެކު މަސައްކަތް ފަށާނެ ކަމަށެވެ. މައުލޫމާތު ރައްޔިތުންނާ ހިއްސާކުރައްވާނެ ކަމަށް ވިދާޅުވިއެވެ.
ރިއެކްޝަންސް
