އާސެނަލް އާއި ބާސެލޯނާވެސް މޮޅު
ބާސެލޯނާ އޮތީ ދެވަނައިގަ، އާސެނަލް 3 ވަނައިގަ
ޔުއެފާ ޗެމްޕިއަންސް ލީގުގައި ބުރާސްފަތި ދުވަހު އާސެނަލްއިން މޮނާނޯގެ މައްޗަށް 3-0 ން ކުރި ހޯދިއިރު, ބާސެލޯނާއިން 3-2 ން ޖަރުމަނުގެ ބޮރޫޝިއާ ޑޯޓްމަންޑް ބަލިކޮށްފިއެވެ.
އާސެނަލްގެ ފުރަތަމަ ދެ ގޯލް ކާމިޔާބުކޮށް ތިންވަނަ ގޯލް ޖެހުމުގައި އެހީތެރިވީ އެޓީމުގެ އިނގިރޭސި ފޯވާޑް ބުކާޔޯ ސަކާއެވެ. ސަކާގެ ގޯލްތައް ފެނިގެން ގޮސްފައިވަނީ 34 ވަނަ މިނިޓްގައި އަދި ގެބްރިއެލް ޖީސަސް އަދި 78 ވަނަ މިނިޓާގައި ކައި ހަވާޓްޒް ތަނަވަސްކޮށްދިން ފުރުޞަތުތަކުގައެވެ. އާސެނަލްގެ ތިންވަނަގޯލް 88 ވަނަ މިނިޓްގައި ކާމިޔާބުކޮށްދިނީ ކައި ހަވާޓްޒްއެވެ. ސަކާ ނަގައިދިން ބޯޅަ ހަވާޓްޒްގެ ފައިން ޖައްސާނުލިނަމަ އެގޯލް އާއެކު ސަކާގެ ހެޓްރިކަށް ވާނެއެވެ. ހަވާޓްޒް ޖައްސާނުލިނަމަ އެ ބޯޅަ ކީޕަރު ހިފެހެއްޓުންވެސް ގާތެވެ.
"އޭނާ އެތަނަށްވަނީ. އެކަމަކު ހާސްނުވޭ. އަދި ހެޓްރިކް ހެދޭނެ" ހެމުން ހަވާޓްޒް އާ ބެހޭގޮތުން ސަކާ ބުންޏެވެ.
ބުރާސްފަތި ދުވަހުގެ މޮޅާއެކު އާސެނަލް އޮތީ ލީގުގެ 3 ވަނައިގައި ހަމެޗުން 13 ޕޮއިންޓާއެކުއެވެ. ބޮރޫޝިއާ ޑޯޓްމަންޑް ބަލިކުރުމަށްފަހު އެއްވަނައިގައި އޮތް ލިވަޕޫލްއަށްވުރެ 3 ޕޮއިންޓް މަދުކޮށް ދެވަނައިގައި ބާސެލޯނާ އޮތީ ހަ މެޗުން 15 ޕޮއިންޓް ހޯދައިގެންނެވެ.
ޑޯޓްމަންޑް ބަލިކުރަން ބާސެލޯނާއަށް ލީޑް ނަގައިދިނީ ޑެނީ އޮލްމޯ ތަނަވަސްކޮސްދިން ފުރުޞަތަކުން ރަފީނިއާ އެވެ. ޕެނަލްޓީއަކުން ޑޯޓްމަންޑުން ނަތީޖާ ހަމަހަމަ ކޮށްފައި ވަނިކޮށް ބާސެލޯނާއަށް ދެވަނަ ފަހަރަށް ކުރިހޯދައިދިނީ ފެރަން ޓޮރޭޒް އެވެ. އެކަމަކު ދެމިނިޓް ތެރޭ ޑޯޓްމަންޑުން ނަތީޖާ ހަމަހަމަ ކުރިއެވެ. މިފަހަރުވެސް ނަތީޖާ ހަމަހަމަކޮށްދިނީ ސާހޯ ގުއިރޭސީ އެވެ. 85 ވަނަ މިނިޓްގައި ބާސާ މޮޅުކޮށްދިނީ ބަދަލަކަށް ނިކުއިން ފެރަން ޓޮރޭޒް އެވެ. އޭނާ ބާސާ މޮޅުކޮށްދިނީ ޔަމާލް ތަނަވަސްކޮށްދިން ފުރުޞަތަކުންނެވެ. މެޗުގެ މޮޅު ކުޅުންތެރިއަކީ ޔަމާލް އެވެ.
ރިއެކްޝަންސް
