ރައްޔިތުން ނިކުތުމުން އަޑުއަހަން މަޖުބޫރު ވާނެ- އިބޫ
ރައްޔިތުން ނިކުތުމުން އަޑުއަހަން ސަރުކާރަށް މަޖުބޫރު ވާނެކަމަށް ކުރީގެ ރައީސް އިބްރާހީމް މުޙައްމަދު ޞާލިހު ވިދާޅުވެއްޖެއެވެ. އެމްޑީޕީން ރޭ ބޭއްވި ޖަލްސާގައި ކުރީގެ ރައީސް ޞާލިހު ވިދާޅުވީ މިވަގުތު ރައްޔިތުން ކުރަންވީ ކަމަކީ ފަހަތަށް ނުޖެހި ނިކުތުން ކަމަށެވެ.
ޞާލިހު ވިދާޅުވީ ރައްޔިތުން ނިކުތުމުން, ރައްޔިތުން ބޭނުންވާ ގޮތަށް ކަންކަން ކުރަން ސަރުކާރަށް މަޖުބޫރުވާނެ ކަމަށެވެ. ރައްޔިތުން ފަހަތަށް ޖެހިގެން ނުވާނެ ކަމަށާއި, ބާރު އޮތީ ރައްޔިތުންގެ އަތްމަތީގައި ކަމަށް ވިދާޅުވިއެވެ. ޞާލިހު ވިދާޅުވީ އެމްޑީޕީ މިއަދު މިއޮތީ ރައްޔިތުންނާ އެކީގައި ކަމަށެވެ. އެކަމަކު އެންމެ ފަހުން ރިޔާސީ އިންތިޚާބާއި, މަޖިލިސް އިންތިޚާބުގައިވެސް ރައްޔިތުން ވަނީ އެމްޑީޕީއަށް ނޫނެކޭ ބުނެފައެވެ.
" މިހައްގުތައް ހޯދައިދިނުމަށް ކުރަން ޖެހުނު ކޮންމެ ކަމެއް ކުރަން ތައްޔާރަށް. އެއްވެސް ހައްގަކީ މީހަކު ހެޔޮހިތުން ތަބަބަކަށް ލާފަ ދޭނެ އެއްޗެއްނޫން" ޞާލިހު ވިދާޅުވިއެވެ.
ކުރީގެ ރައީސް ވިދާޅުވީ ހައްގުތައް ޖެހޭނީ ހޯދަން ކަމަށާއި, މީގެކުރިންވެސް އެމްޑީޕީން ހައްގުތައް ހޯދީ ކަމަށާއި, މިއަދުވެސް ހޯދާނެ ކަމަށެވެ.
ކުރީގެ ރައީސް ޞާލިހު ވިދާޅުވީ ކުރިއަށް އޮތީ ބަނަ އުނދަގޫ ދުވަސްތަކެއް ކަމަށެވެ. ކުރީގެ ރައީސް ޞާލިހު މިމޭރުމުން ވާހަކަދައްކަވާފައިވާއިރު ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވަމުން ގެންދަވަނީ އެމަނިކުފާނު ވެރިކަން ކުރައްވާނީ ރައްޔިތުންނާ ގާތުންކަމަށެވެ. ބާރުތައް ރައްޔިތުންނަށް ދީގެން ކަމަށެވެ. އަދި ކުރިއަށް އޮތް ދެ އަހަރަކީ ތަރައްޤީގެ މަޝްރޫއުތައް އެކި ސަރަހައްދު ތަކުގައި ފެށޭނެ ދެއަހަރު ކަމުގެ ޔަގީންކަން ދެއްވިއެވެ. ވައުދުތައް ފުއްދަވައިދެއްވަމުން ގެންދަވާނެ ކަމުގެ ޔަގީންކަންވެސް ތަކުރާރުކޮށް ދަނީ ދެއްވަމުންނެވެ.
ރިއެކްޝަންސް
