ނުނިމި ހުރި ހުރިހާ ކުޅިވަރު ދަނޑުތައް މިސަރުކާރުން ނިންމައިދޭނަން- ރައީސުލްޖުމްހޫރިއްޔާގެ ނައިބު
އުކުޅަހު ފުޓްބޯޅަ ދަނޑު ނިންމާ ވަނީ ހުޅުވާފައި
ނުނިމި ހުރި ހުރިހާ ކުޅިވަރު ދަނޑުތަކެއް ސަރުކާރުން ނިންމައިދެއްވާނެ ކަމަށް ރައީސުލްޖުމްހޫރިއްޔާގެ ނައިބު ހުސައިން މުޙައްމަދު ލަތީފް ވިދާޅުވެއްޖެ އެވެ. އެމަނިކުފާނ މިހެން ވިދާޅުވީ އއ.އުކުޅަހު ބޮޑު ފުޓްބޯޅަ ދަނޑުގެ މަސައްކަތް ނިންމާ ރަސްމީކޮށް ހުޅުއްވައިދެއްވުމަށް ފަހުއެވެ.
ރައީސުލްޖުމްހޫރިއްޔާހެ ނައިބު ވިދާޅުވީ އެއީ ކޮންމެ ސަރުކާރަކުން ފެށި މަޝްރޫއެއް ނަމަވެސް އެމަޝްރޫއެއް ކުރިއަސް ގެންގޮސް ނިންމައިދެއްވާނެ ކަމަށެވެ. އެޔަގީންކަން މީގެކުރިން ރައީސުލްޖުމްހޫރިއްޔާ ޑރ.މުހައްމަދު މުއިއްޒު ދެއްވާފައިވާކަން އެމަނިކުފާނު ފާހަގަކުރެއްވިއެވެ. ވިދާޅުވީ
ކޮންމެ ސަރުކާރަކުން ފެއްޓެވި މަޝްރޫޢެއް ކަމުގައިވިޔަސް މި ސަރުކާރުން އެ މަޝްރޫޢަކަށް އިޙްތިރާމުކުރައްވާނޭކަމަށެވެ.
އުކުޅަހުގައި ހުޅުވި ފުޓުބޯޅަ ދަނޑު، އޭގެ ނަމޫނާއަކަށް ފުދޭކަން ރައީސުލްޖުމްހޫރިއްޔާގެ ނައިބު ފާހަގަކުރެއްވިއެވެ. އެދަނޑަކީ މިދިޔަ ސަރުކާރުގައި ފެށި ނަމަވެސް ނިންމާ ނުލެވި, މިސަރުކާރުން ނިންމި ދަނޑެކެވެ. މިގޮތަށް ނުނިމި ހުރި ހުރިހާ ދަނޑުތަކެއް ސަރުކާރުން ނިންމަވައިދެއްވާނޭކަމުގެ ޔަގީންކަން އެމަނިކުފާނު ދެއްވިއެވެ.
މީގެ އިތުރުން، ޒުވާނުންނަކީ މި ޤައުމުގެ ހަކަތަ ކަމަށާއި، ޒުވާނުން ޒުވާނުންގެ ގޮތުގައި މިސަރުކާރުން ބަލައިގަންނާނޭކަމަށްވެސް ވިދާޅުވިއެވެ. އަދި އެހަކަތައިގައި ވަރު ނެތްކަމުގައިވާނަމަ ދިވެހި ޤައުމު ނުހިނގާނޭކަން ފާހަގަކުރައްވަމުން، ޒުވާނުންގެ އަޑު އަހައިގެން، ޒުވާނުންނަށް ހުރި ކަންކަން ފުރިހަމަކޮށްދެއްވުމަށް މި ސަރުކާރުން އަހަންމިއްޔަތުކަން ދެއްވާކަމުގައި ވިދާޅުވިއެވެ.
އުކުޅަހު ފުޓްބޯޅަ ދަނޑު ހުޅުވުމުގެ މުނާސަބަތުގައި ކުޅުނު މެޗުގައި ވާދަކުރީ، ދިވެހިރާއްޖޭގެ ޤައުމީ ޓީމުގެ ކުރީގެ ކުޅުންތެރިންގެ މައްޗަށް އެކުލަވާލާފައިވާ ލެޖެންޑުންގެ ޓީމަކާއި، އުކުޅަހު ޒުވާނުންގެ ޓީމެކެވެ. ގައުމީ ޓީމްގެ ކުރީގެ ކުޅުންތެރިންގެ ގޮތުގައި ކީޕަރު އިމްރާން މުޙައްމަދާއި, ކުރީގެ ކެޕްޓަނުން ކަމަށްވާ އަލީ އަޝްފާޤާއި, އައްސަދު އަބްދުލްޣަނީ އާއި, އަކްރަމް އަބްދުލްޣަނީ ބައިވެރިވިއެވެ. މީގެއިތުރުން އަހުމަދު ނާޒު (އާކޭ) އާއި މުޙައްމަދު އުމެއިރު އާއި އަހުމަދު އަބްދުالله (ލިލީ), އާއި ފަރުހާދު އިސްމާއީލް އާއި އަހުމަދު މުޙައްމަދު (އައްމަޑޭ) ވެސް މެޗުގައި ބައިވެރިވިއެވެ.
ރިއެކްޝަންސް
