އިސްލާހީ ފިޔަވަޅުތަކާއެކު ރާއްޖޭގެ ރޭޓިންގ މޫޑީސް އިން ދަމަހައްޓައިފި
އިގްތިސާދީ ގޮތުން އެޅި އިސްލާހީ ފިޔަވަޅުތަކާއެކު ރާއްޖޭގެ ރޭޓިންގ ދުނިޔޭގެ އެންމެ ބޮޑު އެއް ކްރެޑިޓް ރޭޓިން އޭޖެންސީ, މޫޑީސް އިން ދަމަހައްޓައިފި އެވެ.
ރާއްޖޭގެ އިގްތިސާދީ ހާލަތު ރަނގަޅުކޮށް, ހާލަތު ރަނގަޅު ކުރުމަށް މިދިޔަ މުއްދަތުގައި ސަރުކާރުން ވަނީ މުހިއްމު ފިޔަވަޚުތަކެއް އަޅާފައެވެ. އެގޮތުން އެޅި އެންމެ މުހިއްމު ފިޔަވަޅަކީ ޑޮލަރު މާރު ކުރުމަށް އެމްއެމްއޭއިން އެކުލަވާލާ ގަވާއިދެވެ. އަދި އެކަމަށް ޚާއްސަ ގަވާއިދެއްވެސް ވަނީ ޑްރާފްޓްކޮށް ހިޔާލަށް ހުޅުވާލާފައެވެ. މީގެއިތުރުން ބޭރުފައިސާ އިތުރު ކުރުމަށް ޓެކްސްތަކަށްވެސް ވަނީ ބަދަލު ގެނެސްފައެވެ.
މިބަދަލުތަކާއެކު ރޭޓިންގ ރިވިއު ކުރި މުއްދަތަށްފަހު މޫޑީސްއިން ނިންމީ ރާއްޖޭގެ ރޭޓިން "ސީއޭއޭ2" ގައި ދަމަހައްޓާށެވެ.
ރާއްޖޭގެ ރޭޓިންގ ދަމަހައްޓަން ނިންމި ސަބަބުތަކުގެ ތެރޭގައި ސެޕްޓެމްބަރު މަހު އިންޑިއާއާ އެކު ސޮއިކުރި 400 މިލިއަން އެމެރިކާ ޑޮލަރާއި 30 ބިލިއަން އިންޑިއަން ރުޕީސްގެ ކަރަންސީ ސްވޮޕް އެއްބަސްވުން ހިމެނެއެވެ. މޫޑީސްއިން ގަބޫލުކުރަނީ ޓެކްސް ރޭޓުތަކަށް ގެނައި ބަދަލު ތަންފީޒުވުމުން، ބޭރު ފައިސާގެ ރިޒާވް އިތުރުވާނެ ކަމަށެވެ.
ރާއްޖޭގެ ރޭޓިންގ ދަމަހައްޓަން މިނިންމީ ސްޕްޓެމްބަރު މަހު، ރާއްޖޭގެ ރޭޓިން "ސީއޭއޭ2" އަށް ބަދަލުކުރުމަށްފަހުއެވެ. އަދި ރާއްޖޭގެ އައުޓްލުކް "ރިވިއު" އަށް ލުމަށްފަހުއެވެ.
ރިއެކްޝަންސް
