ބަލިމީހަކަށް ދިން އެހީގެ ތަފްސީލް ހާމަކުރެވުމުން އެންސްޕާ އިން މައާފަށް އެދިއްޖެ
އެންސްޕާ އިން ޢާއްމުކުރި ކުރު ބަޔާނެއްގައި ބުނެފައިވަނީ ބަލިމީހަކަށް ދިން އެހީގެ ތަފްސީލް ހާމަކުރީ އެ އެޖެންސީން އެމީހާއަށް އެހީ ނުދިންކަމަށް ބުނެ, ސޯޝަލް މީޑިއާގައި ދޮގު މައުލޫމާތު ފަތުރަމުން ދިއުމުން ކަމަށެވެ.
ބަލިމީހަކަށް ދިން އެހީގެ ތަފްސީލް ހާމަކުރެވުމުން އެންސްޕާ އިން މައާފަށް އެދިއްޖެއެވެ.
ނޭޝަނަލް ސޯޝަލް ޕްރޮޓެކްޝަން އެޖެންސީ (އެންސްޕާ) އިން ޢާއްމުކުރި ކުރު ބަޔާނެއްގައި ބުނެފައިވަނީ ބަލިމީހަކަށް ދިން އެހީގެ ތަފްސީލް ހާމަކުރީ އެ އެޖެންސީން އެމީހާއަށް އެހީ ނުދިންކަމަށް ބުނެ, ސޯޝަލް މީޑިޔާގައި ދޮގު މައުލޫމާތު ފަތުރަމުން ދިއުމުން ކަމަށެވެ. އަދި އެ އެޖެންސީ ބަދުނާމް ވާގޮތަށް ފަތުރަމުންދިޔަ ވާހަކަތަކާ ގުޅިގެން ހަގީގަތް ހާމަކޮށްދިނުމުގެ ގޮތުން ކަމަށެވެ. ނަމަވެސް އެއީ އެންމެ ރަނގަޅު ގޮތް ކަމުގައި ނުވާތީ އެ މައުލޫމާތު ހިމެނުމުން މަޢާފަށް އެދޭ ކަމަށް ބަޔާނުގައި ބުނެފައި ވެއެވެ.
އެހީދިން ތަފްސީލް އާއްމުކޮށް އެންސްޕާއިން ނެރުނު ބަޔާނުގައި ބަލިމީހާގެ އައިޑެންޓިޓީ ބަޔާންކޮށްފައި ނުވެއެވެ.
އެންސްޕާއިން ވަނީ މީޑިޔާ ހައުސްއެއް މެދުވެރިކޮށް, ބޮޑު އަގުގައި ދެ ފަންގިފިލާ ކުއްޔަށް ނެގި މައްސަލައިގެ ތަހުގީގަށް އޭސީސީއަށް ބޭނުންވާ ހުރިހާ ލިޔެކިޔުންތަކެއްވެސް ހަވާލުކޮށްފައެވެ. އެތަހުގީގު އޭސީން ދަނީ ކުރަމުންނެވެ. އެންސްޕާއިން މިހާރު ވަނީ ފާޑުކިއުންތަކާއެކު މީޑިޔާ ހައުސްއިން ބޭނުންވުމުން އެ އެއްބަސްވުން ބާތިލްކުރުމުގެ މަސައްކަތްވެސް ފަށާފައެވެ. އެމަސައްކަތް ކުރަނީ ފިނޭންސް މިނިސްޓްރީ މެދުވެރިކޮށެވެ.
ރިއެކްޝަންސް
