ޅ.އަތޮޅުގެ ދެޓީމް ދެވަނަ ބުރަށް
ނައިންޓީ ޕްލަސް ގޯލްޑް ކަޕްގައި ވާދަކުރާ ޅ.އަތޮޅުގެ ދެޓީމް ކަމަށްވާ ކުރެންދޫ އާއި ނައިފަރު ދެވަނަ ބުރުން ޖާގަ ހޯދައިފި އެވެ. ނައިފަރު ދެވަނަ ބުރުން ޖާގަ ހޯދީ ބ. ކެންދޫ ބަލިކޮށްގެންނެވެ. އަދި ކުރެންދޫ ދެވަނަ ބުރު ޔަގީން ކުރީ ގުރައިދޫ ބަލިކޮށްގެންނެވެ.
ކެންދޫ ބަލިކޮށް ނައިފަރު ވަނީ ގްރޫޕްގެ ދެވަނަ ޔަގީން ކޮށްފައެވެ. ކެންދޫގެ މައްޗަށް ނައިފަރުން ކުރިހޯދީ މެޗުގެ ދެވަނަ މިނިޓްގައި ކެންދޫން ލީޑް ހޯދާފައި ވަނިކޮށް ފަހަތުން އަރާ ދެ ލަނޑު ޖަހައިހެންނެވެ. ކެންދޫ އަށް ލީޑް ނަގައިދިނީ މަލްސޫން ޔާމީން އެވެ. މެޗުގައި ނައިފަރަށް ނަތީޖާ ހަމަހަމަ ކޮށްދިނީވެސް އަދި ކުރި ހޯދައިދިނީވެސް އިމްރާން މުޙައްމަދެވެ. ދެ ހާފްގައި އޭނާ ޖެހި ދެ ލަނޑާއެކު ދެވަނަ ބުރު ޔަގީން ކުރީ ތިން މެޗުން ހަ ޕޮއިންޓް. ހޯދައިގެންނެވެ. ކެންދޫގެ އިތުރުން ނައިފަރު މޮޅުވީ މާފުށި އަތުންނެވެ. އެމެޗުގައިވެސް ލަނޑު ޖެހީ އިމްރާންއެވެ.
މިގްރޫޕުން ތިންވަނަ ޓީމްގެ ގޮތުގައި ދެވަނަ ބުރުގެ ޖާގަ ލިބޭ ޓީމެއް ޔަގީން ވާނީ އަލިފުށްޓާއި މާފުށި މިއަދު ވާދަކުރާ މެޗުންނެވެ. ފަސް ލަނޑަށްވުރެ ފަރަގު ކުޑަ ނަތީޖާ އަކުން ބަލިވިޔަސް ފުރުޞަތު ލިބޭނީ މާފުށްޓަށެވެ. ގްރޫޕްގެ އެއްވަނައިގަ މިވަގުތު އޮތީ އަލިފުށްޓެވެ. އަލިފުށްޓަށް އެއްވަނަ ގެއްލޭނީ ތަފާތު ބޮޑު ނަތީޖާއަކުން ބަލިވެގެންނެވެ.
ކުރެންދޫ ދެވަނަ ބުރު ޔަގީން ކުރީ 1-0 ން ގުރައިދޫ ބަލިކޮށްގެންނެވެ. ގުރައިދޫ ބަލިކުރަން ލަނޑު ޖެހީ
މިގްރޫޕުން އެއްވަނަ ހޯދީ 5 ޕޮއިންޓާއެކު އައްޑޫ ސިޓީއެވެ. ކުރެންދޫއާއި ގުރައިދޫ ދެވަނަ ބުރު ޔަގީން ކުރީ 4 ޕޮއިންޓާއެކުއެވެ. ހުރާ ކެޓީ 3 ޕޮއިންޓާ އެކުއެވެ.
ރިއެކްޝަންސް
