ދަނޑުވެރިކަމާ ބެހޭ ވުޒާރާ ހިންގަވަން މާރިޔާއާ ހަވާލުކުރައްވައިފި
ދަނޑުވެރިކަމާ ދިރޭތަކެއްޗާ ބެހޭ ވުޒާރާ ހިންގެވުން މަތީ ތައުލީމާ ބެހޭ ވަޒީރު ޑރ. މަރިޔަމް މާރިޔާއާ ހަވާލުކުރައްވައިފިއެވެ.
ދަނޑުވެރިކަމާބެހޭ ވުޒާރާ ވަގުތީ ގޮތުން ހިންގެވުން މާރިޔާއާ ރައީސުލްޖުމްހޫރިއްޔާ ހަވާލުކުރެއްވީ އެވުޒާރާގެ މިނިސްޓަރު ކަމުގައި ހުންނެވި ޑރ.ޢާއިޝަތު ރަމީލާ ޞިއްޙީ ޙާލުކޮޅު ހުރިގޮތުން މަޤާމުން މިއަދު އިސްތިޢުފާދެއްވުމުންނެވެ.
ރައީސުލްޖުމްހޫރިއްޔާގެ އޮފީހުން ވިދާޅުވީ އެމަޤާމަށް ބޭފުޅަކު ޢައްޔަނުކުރެވެންދެން މިނިސްޓްރީ އޮފް އެގްރިކަލްޗަރ އެންޑް އެނިމަލް ވެލްފެއަރ ހިންގެވުން ވަގުތީގޮތުން މިނިސްޓަރ އޮފް ހަޔަރ އެޑިޔުކޭޝަން، ލޭބަރ އެންޑް ސްކިލްސް ޑިވެލޮޕްމަންޓް، ޑޮކްޓަރ މަރްޔަމް މާރިޔާ އާއި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ޙަވާލުކުރައްވައިފި ކަމަށެވެ.
ވަޒީރުކަމުން ޑރ.ރަމީލާ އިސްތިއުފާ ދެއްވީ ވަޒީރު ކަމުގައި ހުންނަވާ ވެސް ފަރުވާއަށް ރާއްޖެއިން ބޭރަށް ވަޑައިގެންނެވުމަށްފަހު އެނބުރި ވަޑައިގެންވެސް ޒިންމާ އުފުއްލަވަމުން ގެންދެވުމަށްފަހުއެވެ.
ސަރުކާރުގެ ތަރުޖަމާނު ހީނާ ވަލީދު މިރޭ ވިދާޅުވީ ކެބިނެޓަށް އެއްވެސް ބަދަލެއް ގެންނަވަން ރައީސުލްޖުމްހޫރިއްޔާ ނިންމަވާފައި ނުވާ ކަމަށެވެ.
ރިއެކްޝަންސް
