ފިއުލް ސަޕްލައި މޯލްޑިވްސްގެ ތެލުން ވައްކަންކޮށް, މަނީ ލޯންޑަރ ކުރި މައްސަލައެއް ބަލަނީ
ފިއުލް ސަޕްލައި މޯލްޑިވްސްގެ ތެލުން ވައްކަންކޮށް, މަނީ ލޯންޑަރ ކުރި މައްސަލައެއް ފުލުހުން ތަހުގީގު ކުރަން ފަށައިފިއެވެ.
ހޯމް މިނިސްޓަރ އަލީ އިހުސާން ރޭ އެކްސްގައި ވިދާޅުވީ ފިއުލް ސަޕްލައިސް މޯލްޑިވްސްގެ މުވައްޒަފުންތަކެއް އެކުންފުނީގެ ތެލުން ވައްކަންކޮށް، އޭގެއިން ލިބޭފައިސާ ލޯންޑަރ ކުރަމުންދާކަމަށް ޝައްކު ކުރެވޭ މައްސަލައެއް ދިވެހި ފުލުހުންގެ ޚިދުމަތުން ތަހުގީގު ކުރަމުންދާ ކަމަށެވެ.
މައްސަލާގައި މިހާތަނަށް ފުލުހުންގެ ހާއްސަ ޓީމުތަކުން ވަނީ 10 މީހުން ބަލާ ފާސްކޮށްފައިވާ ކަމަސް ވަޒީރު ވިދާލުވިއެވެ. މީގެއިތުރުން 2 ގެ އާއި ތެޔޮއުފުލާ 2 ބާޖު ވެސް ބަލައިފާސްކޮށްފައިވާ ކަމަށް ވިދާޅުވިއެވެ.އަދި މައްސަލައާއި ގުޅުންހުރި އިލެކްޓްރޯނިކް ސާމާނާއި ލިޔެކިޔުން ހޯދާފައިވާ ކަމަށްވެސް ވަޒީރު ވިދާޅުވިއެވެ.
" މި ތަހުގީގު ކުރިއަށް ދާވަރަކުން ފުލުހުންގެ ފަރާތުން ދިވެހި ރައްޔިތުންނަށް މައްސަލައާއިގުޅޭ އިތުރު ތަފްސީލު ހާމަކުރައްވާނެ" ވަޒީރު ވިދާޅުވިއެވެ.
މިފަދަ މައްސަލަތައް ހޯދާ ފުރިހަމައަށް އަވަހަށް ތަހުގީގުކޮށް ވަކި މީހަކު އިސްތިސްނާނުކޮށް ޤާނޫނީ ފިޔަވަޅު އެޅުމަކީ ރައީސް ޑރ. މުއިއްޒު ވަރަށް އިސްކަންދެއްވާ ކަމެއް ކަމަށްވެސް ވަޒީރު އިހުސާން ވިދާޅުވިއެވެ. މިމައްސަލަ ފެންމަތިވިއިރު އެކުންފުނީގެ މެނޭޖިންގ ޑިރެކްޓަރު ކަމުގެ މަގާމުން އިސްމާއީލް ސުހެއިލް އިސްތިއުފާ ދެއްވީ މިދިޔަ މަހު ފަހުކޮޅު އެވެ.
ރިއެކްޝަންސް
