އެންސްޕާގެ އިމާރާތުގެ މައްސަލަ ބަލައިގަނެ, އޭސީސީން ތަހުގީގު ފަށައިފި
އެންސްޕާގެ އިމާރާތުގެ މައްސަލަ ބަލައިގަނެ, އޭސީސީން ތަހުގީގު ފަށައިފި އެވެ. އެންސްޕާގެ އިމާރާތް ހިންގަން ދެން ފަންގިފިލާ ކުއްޔަށް ހިފީ ރައީސުލްޖުމްހޫރިއްޔާ ޑރ.މުހައްމަދު މުއިއްޒުއަށް ނިސްބަތްވަޑައިގަންނަވާ ޓީވީ ޗެނަލްއެއް ހިންގަން އުފެއްދި މީޑިޔާ ކުންފުންނަށް ފައިދާ ވާގޮތަށް, އެކުންފުންޏާ ދެމެދު ވީއެއްބަސްވުމެއްގެ ދަށުން ކަމަށް ބުނެ އަމާޒުވަމުންދާ ފާޑުކިއުންތަކާ ގުޅިގެން މައްސަލަ ތަހުގީގުކޮށްދޭން އޭސީސީގައި އެދުނީ އެންސްޕާއިންނެވެ.
އެންސްޕާއިން ހަތަރު ފަންގިލާގެ އަގަށްވާ ފައިސާއަށް މީޑިޔާ ކުންފުންޏެއްގެ އަތުން ދެ ފަންގިފިލާ ކުއްޔަށް ހިފި މައްސަލައާ ގުޅިގެން އެމީޑިޔާ ކުންފުނީގެ ދެ ފަންގިފިލާގެ ކުލިވެސް އެންސްޕާއިން ދައްކައިދޭ ކަމުގެ ތުހުމަތުތައް ކުރުމާއެކު އެހުރިހާ ކަމެއް ދޮގުކޮށް އެންސްޕާއިމް ބަޔާނެއް ނެރުނެވެ. އަދި އެކަން ތަހުގީގުކޮށްދޭން އެދި އޭސީސީއަށް ފޮނުވި ސިޓީވެސް ޢާއްމުކުރިއެވެ. ހަމައެހެންމެ ތުހުމަތުތައްވެސް ދޮގުކުރިއެވެ.
އޭސީސީން ވަނީ އެމައްސަލަ ބަލައިގަނެ ތަހުގީގު ފަށާފައިވާކަން ޔަގީން ކޮށްދީފައެވެ.
މޯލްޑިވްސް މީޑިޔާ ހައުސްއިން މިހަފްތާގައި ވަނީ 'އެމްއެމްޓީވީ' ގެ ޚިދުމަތް ފަށާފައެވެ. އެޗެނަލް ހިންގާ ދެ ފަންގިފިލައާއި, އެންސްޕާއަށް ކުއްޔަށް ނެގި ދެ ފަންގިފިލާ ހުންނަނީ އެއް އިމާރާތެއްގައި ކަމަށް ބުނެ އެއީ ކޮރަޕްޝަނާއި, ނާޖާއިޒު ފައިދާ އެކުލެވޭ ގޮތަށް ރާވައިގެން ކޮށްފައިވާ ކަމެއް ކަމުގެ ތުހުމަތުތައް ދަނީ ކުރަމުންނެވެ.
ރިއެކްޝަންސް
