ފުވައްމުލައް ސިޓީ ގޯލްޑްކަޕްގެ ދެވަނަ ބުރަށް
މިހާތަނަށް ކުޅުނު ތިން މެޗުންވެސް އިތުބާރާއެކު މޮޅުވެ, ނައިންޓީ ޕްލަސް ގޯލްޑް ކަޕްގެ ދެވަނަ ބުރުން ފުވައްމުލައް ސިޓީ ޖާގަ ޔަގީން ކޮށްފިއެވެ.
ފަސް ޓީމް ހިމެނޭ ގްރޫޕްގެ ދެވަނަ ބުރު ފުވައްމުލައް ސިޓީން ކަށަވަރު ކުރީ 4-0 ން ދ.މީދޫ ބަލިކޮށްގެންނެވެ. މެޗުގެ ތަރިއަކީ ފުރަތަމަ ޑިވިޝަންގައި ކުޅޭ އަލީ ޝަމާލް އަބްދުالله އެވެ, މެޗުގައި އޭނާ ހެޓްރިކް ހެދިއެވެ. ހެޓްރިކް ހެދީ މެޗުގެ ފަހު މިނިޓްގައި ލިބުނު ޕެނަލްޓީ އަކުންނެވެ. އޭގެކުރިން ފުވައްމުލަކުގެ ތިންވަނަ ލަނޑު ކެޕްޓަން އިނާން އަހުމަދު ޖެހީވެސް ޝަމާލް ތަނަވަސްކުރި ފުރުޞަތަކުންނެވެ.
މުބާރާތުގައި ޝަމާލް ވަނީ މިހާތަނަށް ތިން މެޗު ޖެހި ހަ ގޯލާއެކު ލަނޑު ލިސްޓްގެވެސް ކުރީގައެވެ. ފުވައްމުލައް މިހާތަނަށް ކާމިޔާބުކުރި ތިން މެޗަކީ މީދޫގެ އިތުރުން ކުޑަހުވަދޫ އާއި ދިއްދޫގެ މެޗެވެ. ބާކީ އޮންނާނީ ފަރެސްމާތޮޑާއާ ވާދަކުރާ މެޗެވެ. އެމެޗު ކުޅޭނީ މިމަހުގެ 4 ވަނަ ދުވަހު އެވެ.
ގްރޫޕް ޑީގައި އިއްޔެ ހަވީރު ކެންދޫ އާއި މާފުށި ވާދަކުރި މެޗު ނިމުނީ 1-1 ން އެއްވަރު ވެގެންނެވެ.
ރިއެކްޝަންސް
