އަލިފުށި ދެވަނަ ބުރަށް, ހުރާ ހޯދީ އުއްމީދު
ނައިންޓީ ޕްލަސް ގޯލްޑް ކަޕްގައި ކުޅުނު ދެވަނަ މެޗުވެސް ކާމިޔާބުކޮށް, އަލިފުށިން ދެވަނަ ބުރުގެ ޖާގަ ޔަގީންކޮށްފިއެވެ.
އަލިފުށި ދެވަނަ ބުރު ޔަގީން ކުރީ ނައިފަރު 2-0 ން ބަލިކޮށްގެންނެވެ. މެޗުގެ ދެހާފްގައި އަލިފުށީގެ ދެ ލަނޑު ޖެހީ އަހުމަދު ހުސާމް އާއި އާދަމް އިމްރާން އެވެ. އަލިފުށީގެ ފުރަތަމަ މެޗެކޭ އެއްގޮތަށް މިމެޗުގައި ދަނޑުގެ ކޮންޓްރޯލް އޮތީ އަލިފުށި ސަޕޯޓަރުން އަތުގައެވެ. އެއްވާނެއްގައި ސަޕޯރޓްކޮށް, ޓީމް މޮޅުކޮށްދިނުމުގައި ސަޕޯޓަރުން މުހިއްމު ދައުރެއް އަދާކުރިއެވެ.
އަލިފުށި ދެވަނަ ބުރަށް ދަތުރުކުރީ ކުޅުނު ދެ މެޗުވެސް ކާމިޔާބުކޮށް 6 ޕޮއިންޓާ އެކުއެވެ. އަލިފުށްޓަށް ގްރޫޕް ސްޓޭޖްގައި ބާކީ އޮންނާނީ މާފުށްޓާ ވާދަކުރާ މެޗެވެ. ދެ މެޗުން ތިން ޕޮއިންޓާއެކު ދެވަނައިގައި އޮތީ ނައިފަރެވެ. ކެންދޫ އާއި މާފުށްޓަށް ޕޮއިންޓެއް ނުލިބެއެވެ.
ފުރަތަމަ މެޗުގައި ގުރައިދޫ އަތުން ބަލިވިޔަސް ގްރޫޕް ސީގައި ހުރާ ވަނީ ދެވަނަ މެޗުގައި ކުރެންދޫ ބަލިކޮށް ދެވަނަ ބުރުގެ އުއްމީދު ހޯދާފައެވެ. ކުރެންދޫގެ މައްޗަށް ހުރާ ކުރި ހޯދީ 1-0 ނެވެ. މެޗުން މޮޅުވި ލަނޑު ޕެނަލްޓީއަކުން ޖެހީ އަރީން އަބްދުالله އިބްރާހީމް އެވެ.
މިގްރޫޕްގައި ކުރެންދޫ ފުރަތަމަ މެޗުގައި އައްޑޫ ސިޓީއާ ވާދަކޮށް ފުއްދާލަން ޖެހުނީ ޕޮއިންޓަކުންނެވެ. މިގްރޫޕުން 4 ޕޮއިންޓާއެކު އެއްވަނައިގަ އޮތީ ގުރައިދޫ އެވެ. ގުރައިދޫ ވަނީ ހުރާ ބަލިކޮށް, އައްޑޫ ސިޓީ އަތުން ޕޮއިންޓެއް ހޯދާފައެވެ. ގްރޫޕްގެ ދެވަނައިގަ މިހާރު އޮތީ ހުރައެވެ. ތިންވަނަ ލިބެނީ ދެ މެޗުން ދެ ޕޮއިންޓާއެކު އައްޑޫ ސިޓީ އަށެވެ.
ރިއެކްޝަންސް
