ހަށިވިއްކަމުން ދިޔަ ބަޔަކު ޑީޕޯރޓް ކޮށްފި
ރާއްޖޭގައި ފުޅާދާއިރާއެއްގައި ހަށިވިއްކަމުން ދިޔަ ބަޔަކު އިމިގްރޭޝަނުން ޑީޕޯރޓްކޮށްފިއެވެ.
ވިޔަފާރިއެއްގެ ގޮތުގައި ހަށިވިއްކަމުން ދިޔަ ތިން މީހުން ޑީޕޯރޓްކޮށް 4 މީހަކު ޑީޕޯރޓް ކުރުމުގެ މަސައްކަތް ކުރަމުންދާކަމަށް އިމިގްރޭޝަނުން ބުންޏެވެ. އެއީ މުޅިންވެސް ބިދޭސީންނެވެ. އިމިގްރޭޝުން ބުނީ އެމީހުންނަކީ ފުލުހުންނާއި ގުޅިގެން މިމަހު ހިންގި ހާއްސަ އިންސްޕެކްޝަން ތަކެއްގައި އަތުލައިގަން ބައެއް ކަމަށެވެ. އޭގެތެރޭގައި ހިމެނެނީ 05 މައްސަލައަކާއި ގުޅިގެން ހައްޔަރުކުރި ބިދޭސީ 05 އަންހެނަކާއި, އެޖެންޓުންގެ ގޮތުގައި މަސައްކަތް ކުރަމުންދިއަ ބިދޭސީ 02 ފިރިހެނެކެވެ.
ތަހުޤީޤަށްފަހު އަނބުރާ ނާދެވޭ ގޮތަށް ފޮނުވާލީ އޭގެތެރެއިން 03 އަންހެނަކެވެ. ގަވާއިދާ ހިލާފަށް އުޅޭ ބިދޭސީންނާއި, ކުށުގެ ވެށީގައި އުޅޭ ބިދޭސީން ހޯދުމަށް އިމިގްރޭޝުން ފުޅާ އޮޕަރޭޝަނެއް ކުެރިއަށް ގެންދެއެވެ.
ރިއެކްޝަންސް
