މިފަހަރުވެސް 'ވޯލްޑް ލީޑިންގ ޑެސްޓިނޭޝަން އެވޯޑް' ރާއްޖެ އަށް
އެވޯޑާ ހަވާލުވީ ފަތުރުވެރިކަމާބެހޭ ވަޒީރު އިބްރާހީމް ފައިސަލްއެވެ. އެރަސްމިއްޔާތުގައި މޯލްޑިވްސް މާކެޓިންގ އެންޑް ޕަބްލިކް ރިލޭޝަންސްގެ މެނޭޖިންގ ޑިރެކްޓަރ އިބްރާހީމް ޝިއުރީވެސް ބައިވެރިވެވަޑައިގެންނެވިއެވެ. ރަސްމިއްޔާތު އޮތީ ޕޯޗްގަލްގެ މެޑީރާގައެވެ.
އެވޯޑާ ހަވާލުވެވަޑައިގެންނެވުމަށްފަހު މިނިސްޓަރ ފައިސަލް ވިދާޅުވީ މިއީ ފަތުރުވެރިކަމުގެ ދާއިރާގެ ހުރިހާ އެންމެންގެ ބުރަ މަސައްކަތްކަމަށެވެ. ޝަރަފްވެރި އެވޯޑާ ރާއްޖޭގެ ފަރާތުން ހަވާލުވުމަކީވެސް ޝަރަފެއްކަމަށް ވަޒީރު ވިދާޅުވިއެވެ. އެވޯޑްތަކުގެ ސަބަބުން ލީޑިންގ މަންޒިލްތަކުގެ ގޮތުގައި ޕްރޮމޯޓްކުރަން އިތުރަށް ފަހިވެގެންދާކަންވެސް ވަޒީރު ފާހަގަކުރެއްވިއެވެ.
ލީޑިންގ ޑެސްޓިނޭޝަން އެވޯޑްގެ އިތުރުން ލީޑިންގ ގްރީން ޑެސްޓިނޭޝަން އެވޯޑްވެސް ވަނީ ރާއްޖެއަށް ލިބިފައެވެ. ފަތުރުވެރިކަމުގެ ދާއިރާއިން މިއަހަރު ރާއްޖެއަށް އެހެން އެވޯޑްތައްވެސް ލިބިފައި ވެއެވެ. އޭގެތެރޭގައި ވޯލްޑް ޓްރެވަލް އެވޯޑްސް އާއި އަރަބިއަން ޓްރެވަލް މާކެޓްގައި ލިބުނު އެވޯޑްތައް ހިމެނެއެވެ.
ރިއެކްޝަންސް
