އާބަން ސެންޓަރުގެ ގޮތުގައި ލ.އަތޮޅުން ފޮނަދޫ
7 ރަށެއްގައި އާބަން ސެންޓަރު ޤާއިމް ކުރާނެ
އާބަން ސެންޓަރުގެ ގޮތުގައި ލ.އަތޮޅުން ފޮނަދު ހިމަނައިގެން 7 ރަށް އިއުލާނުކޮށްފިއެވެ. ގެދޮރުވެރިކަމާއި ބިމާއި އުމްރާނީ ތަރައްޤީއާ ބެހޭ ވުޒާރާއިން މިއަދު އިއުލާނު ކުރި ލިސްޓްގައި ހިމެނެނީ 7 އަތޮޅުގެ 7 ރަށެވެ.
ލ.ފޮނަދޫގެ އިތުރުން އާބަން ސެންޓަރު ޤާއިމްކުރަން ކަނޑައެޅުއްވި ރަށްތަކަކީ ރ.އުނގޫފާރު, ބ.އޭދަފުށި, ޅ.ނައިފަރު, އދ.މަހިބަދޫ, ފ.ނިލަންދޫ, އަދި ދ.ކުޑަހުވަދޫ އެވެ. މީގެތެރެއިން ލ.އަތޮޅުން ފޮނަދޫގައި އާބަން ސެންޓަރު ޤާއިމް ކުރަން ސަރުކާރުން ނިންމަވާފައިވާއިރު މިދިޔަ ހަފްތާގައި އެއަތޮޅު ކައުންސިލް ރައީސް އިސްމާއީލް އަލީ ވަނީ އެއަތޮޅު އެ ލިސްޓްގައި އޮތްކަމަށް ވިދާޅުވެ ސޯޝަލް މީޑިޔާގައި ޕޯސްޓެއް ކުރައްވާފައެވެ. ނަމަވެސް މިއަދު ލިސްޓް އިއުލާނުކުރެއްވި އިރު ލ.އަތޮޅުން ހިމެނެނީ ރައްޔިތުންގެ މަޖިލިހުގެ ރައީސް އަބްދުއްރަހީމް އަބްދުالله ނިސްބަތްވެވަޑައިގަންނަވާ ފޮނަދޫ އެވެ.
އާބަން ސެންޓަރުތަކެއް ޤާއިމް ކުރެއްވުމަކީ ރައީސުލްޖުމްހޫރިއްޔާ ޑރ.މުހައްމަދު މުއިއްޒުގެ ވައުދުފުޅެކެވެ. ގެދޮރުވެރިކަމުގެ ލޯނު 'ހިޔާވެހި ފައިނޭންސިންގ ޕްރޮގްރާމްގެ ދަށުން ދޫކުރުމުގައި އާބަން ސެންޓަރުތައް ހިމެނޭ ހުރިހާ ރަށެއް ހިމެނެއެވެ. އަދި އެރަށްތަކަށް ދޫކުރާ ނިސްބަތް ވަނީ ތިން މިލިއަން ރުފިޔާ ކަމުގައި ހަމަޖައްސަވާފައެވެ.
ރިއެކްޝަންސް
