ގުޅިފަޅުން ލިބޭ ގޯތި ކަނޑައަޅަން ގުރުއަތުލާން ފަށައިފި
ބިންވެރިޔާ ސްކީމްގެ ދަށުން ގުޅީފަޅުން ދޫކޮށްފައިވާ ގޯތި ލިބިފައިވާ ފަރާތްތަކުގެ މެދުގައި ގުރުއަތު ނަގަން ފަށައިފިއެވެ. ގޯތި ލިބުނު މީހުންގެ ހާޒިރުގައި ގުރުއަތު ނެގުމުގެ ކަންކަން ކުރިއަށް ގެންދަނީ ދަރުބާރު ގޭގައެވެ.
ގޯތި ލިބުނު މީހުންގެ ހާޒިރުގައި ގުރުއަތު ނެގިޔަސް, ގުރު ނަގަނީ މިނިސްޓްރީގެ އޮފިޝަލުންނެވެ. އެކަމަކު ގުރުނެގުން ޓީވީން ވަގުތުން ދުރަށްދައްކައެވެ. ގުޅިފަޅުން ގޯތި ލިބުނު މީހުންގެ މެދުގައި އަލުން ގުރުއަތު ލަނީ ގުޅިފަޅުގެ ލޭންޑް ޔޫޒް ޕްލޭނަށް މިސަރުކާރުން ގެނައި ބަދަލާ ގުޅިގެންނެވެ. ލޭންޑްޔޫޒް ޕްލޭނުވެސް ވަނީ ޢާއްމުކޮށްފައެވެ. ގޯތި ލިބުނު މީހުންގެ މެދުގައި އަލުން ގުރުއަތު ނަގާއިރު ކުރިން ގުރުނަގާ ރަޖިސްޓްރީވެސް ވަނީ ހަވާލުކޮށްފައެވެ. ނަމަވެސް އަލުން ގުރު ނަގާއިރު ގޯތި ލިބޭ ޕްލޮޓް ތަފާތު ވެދާނެއެވެ.
ގުރު ނެގުމާއެކު ނެގުނު ނަމްބަރު އެސްއެމްއެސްއެއްގެ ޒަރީޔާއިން ވެރިފަރާތަށް ފޮނުވައެވެ. އަދި ޕޯޓަލްގައިވެސް ދަނީ އަޕްޑޭޓް ކުރަމުންނެވެ. ގުޅިފަޅުން މިހާރު ދޫކުރަނީ 3520 ގޯއްޗެވެ. އޭގެތެރޭގައި ގިރާވަރު ފަޅުން ގޯތި ލިބުނު މީހުންގެ ތެރެއިން ގުޅިފަޅަށް ގޯތި ބަދަލުކުރި މީހުންވެސް ހިމެނެއެވެ. 2210 މީހުން އެކަމަށް އެދުނެވެ.
ގުޅިފަޅުން ގޯތި ދިނީ މިދިޔަ ސަރުކާރުންނެވެ. މިދިޔަ ސަރުކާރުގައި ގުޅިފަޅު ހިއްކަން ފަށާ 150 ހެކްޓަރު ހިއްކާ ނިންމިއެވެ. އެކަމަކު ގުޅިފަޅު ހިއްކާ ނިންމީ މިސަރުކާރުންނެވެ.
ރިއެކްޝަންސް
