ކުޅިވަރު ކޯޓްތަކާއެކު ގަލޮޅު ޕާރކް ތަރައްޤީ ކުރަން ފަށައިފި
ކުޅިވަރު ކޯޓްތައް ހިމެނޭ ގޮތަށް ގަލޮޅު ޕާރކް ތަރައްޤީ ކުރުމުގެ މަސައްކަތް އިފްތިތާހުކޮށްފިއެވެ. އަ
ގަލޮޅު ޕާރކް ތަރައްޤީ ކުރަނީ ތްރީ އޮން އޮން ބާސްކެޓް ބޯޅަ ކޯޓަކާއި، އައުޓްޑޯ ބެޑްމިންޓަން ކޯޓަކާއި، ޖޮގިންގ ޓްރެކަކާއި، އައުޓްޑޯ ޖިމްއެއްވެސް ހިމެނޭ ގޮތަށެވެ. މީގެއިތުރުން އުމުރުން ދުވަސްވީ މީހުން މަޑުކޮށްލައިގެން ތިބުމަށް އުނދޯލި ބަހައްޓައިގެން ސަރަހައްދެއް ތައްޔާރުކުރާނެ ކަމަށްވެސް ސިޓީ ކައުންސިލުން ބުންޏެވެ.
މީގެއިތުރުން އެޕާރކްގައި ކުޑަކުދިން ކުޅޭ ސަރަހައްދާއި، އިވެންޓްތައް ބާއްވަން ޕްލާޒާ އޭރިއާއެއްވެސް ހިމެނޭނެ ކަމަށް މާލެ ސިޓީ ކައުންސިލުން ވިދާޅުވިއެވެ. ކުރިން ގަލޮޅު ސިޓީ ޕާރކްގެ ގޮތުގައި ތަރައްޤީ ކުރި ޕާރކް އަލުން މަރާމާތުކޮށް ހަދަނީ 15 އަހަރު ފަހުންނެވެ. ސިޓީ ކައުންސިލުން ބުނީ ޕާރކް އަލުން ތަރައްޤީ ކުރަނީ ރައްޔިތުންގެ ބޭނުންތަކަށް އިސްކަން ދީގެން ކަމަށެވެ.
ގަލޮޅުގައި އޮންނަ ހަމައެކަނި ޕާރކް ހެދުމުގެ މަސައްކަތް ފެށީ މިދިޔަ ހުކުރު ދުވަހުއެވެ. ނަމަވެސް އެމަސައްކަތް ކުރަނީ ކޮންބައެއް ކަމެއް އަދި މަސައްކަތް ނިމޭނީ ކޮންއިރަކު ކަމެއް ސިޓީ ކައުންސިލުން ނުބުނެއެވެ.
ރިއެކްޝަންސް
